دونیانین ان بؤیوک بوز داغی، گیردابا توتولدو

دونیانین ان بؤیوک بوز داغی کیمی تانینان و ۳۰ ایلدن آرتیق مدتدن سونرا حرکته گئچن "آ۲۳آ" آیلاردیر آنتارکتیکا (گونئی قطب-و) یاخینلیغینداکی گیرداب‌دا فیرلانیر.

بی‌بی‌سی خبرلرینه گؤره، ۱۹۸۶-جی ایلده آنتارکتیکا ساحیل بؤلگه‌سیندن قوپاراق وئدئل دنیزینده قورویا چیرپیلاراق "بوز آداسینا" چئوریلن "آ۲۳آ" آدلی بوز داغی، کئچه‌ن ایل ۳۰ ایلدن چوخ واختدان سونرا ایلک دفعه حرکته گئچیب، ایل دفعه بؤیوک بیر گیردابا توتولموشدو.

اوزمانلار بیلدیریرلر کی، اقیانوسون گوجلو آخینتیسی‌نین آپارماسی لازیم اولان بوز داغی، آیلاردیر آنتارکتیکانین قوزئیینده‌کی بیر نؤقطه‌ده ساعات عقربینین عکسینه فیرلانیر.

اوزمانلار آ۲۳آ-نین ایللردیر بو بورولغاندان چیخا بیلمه‌یجه‌گینی قید ائدیر و بوز داغی فیرلاندیقجا اریمه‌سینین گئجیکه‌جه‌یینی بیلدیریرلر.

دونیانین ان بؤیوک بوز داغی آیسبئرقی کیمی تانینان آ۲۳آ، تخمینا ۴ مین کوادرات کیلومئتر سطح ساحه‌سینه و تخمینا ۴۰۰ مئتر قالینلیغا مالیکدیر.