قوزئی کوره، گونئی کورهنی اویدورما خبرلر حاضیرلاماقلا اتهام ائدیب
قوزئی کوره لیدری کیم چن این گونئی کوره مئدیاسینی اؤلکهسیندهکی داشقینلارین ووردوغو زیانین میقیاسی ایله باغلی اویدورما خبرلر حاضیرلاماقلا گوناهلاندیریب.
قوزئی کوره لیدری کیم چن این گونئی کوره مئدیاسینی اؤلکهسیندهکی داشقینلارین ووردوغو زیانین میقیاسی ایله باغلی اویدورما خبرلر حاضیرلاماقلا گوناهلاندیریب.
یونهاپ خبر وئریر کی، کیم گونئی کورهنین قوزئی کورهده لئیسان یاغیشلار و داشقینلار نتیجهسینده اؤلن و یا ایتکین دوشنلرین ساییسینین 1000 نفری کئچدیگی بارهده آچیقلاماسینا تپکی وئریب.
کیم، گونئی کوره مئدیاسینی قیناییب، اونلاری قوزئی کورهدهکی داشقینلارین میقیاسی ایله باغلی اویدورما خبرلر حاضیرلاماقلا اتهام ائدیب.
گونئی کورهنی دگیشمز دوشمن کیمی خاراکتئریزه ائدن کیم، قوزئی کورهنین ایماژینا خلل گتیرمک اوچون تبلیغات آپاریلدیغینی مدافعه ائدیب.
گونئی کورهنین بیرلشمه ناظیرلیگی، قوزئی کورهنین شیمال-غرب حیسهسیندهکی سینویژو شهرینده لئیسان یاغیشلار و داشقینلار نتیجهسینده اؤلن و یا ایتکین دوشنلرین ساییسینین 1000 نفری کئچدیگینی تخمین ائتدیکلرینی بیلدیردی.
قوزئی کورهنین شیمال-غربینده یئرلشن سینویژو شهرینده گوجلو یاغیشلار سببیندن قوزئی کوره-چین سرحدیندهکی یالو چایینین داشماسی نتیجهسینده موحاصیرهده قالان 5 میندن چوخ اینسان تخلیه ائدیلیب.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
