آوروپا بیرلیگیدن ونزوئلایا چاغری
هلند، فرانسه، ایتالیا، آلمان، ایسپانیا، لهستان و پورتغال بیرگه بیاناتدا ونزوئلانی پرئزیدئنت سئچکیلریندن سونرا پروسه ایله باغلی شفافلیغی تامین ائتمهیه و گؤستریچیلره قارشی تمکینلی داورانماغا چاغیریب.
هلند، فرانسه، ایتالیا، آلمان، ایسپانیا، لهستان و پورتغال بیرگه بیاناتدا ونزوئلانی پرئزیدئنت سئچکیلریندن سونرا پروسه ایله باغلی شفافلیغی تامین ائتمهیه و گؤستریچیلره قارشی تمکینلی داورانماغا چاغیریب.
هلند، فرانسه، ایتالیا، آلمان، ایسپانیا، لهستان و پورتغال کیمی آوروپا بیرلیگینه عضو اولان 7 اؤلکهنین بیرگه یازیلی بیاناتیندا ونزوئلاداکی سئچکی پروسهسیندن سونرا باش وئرنلردن ناراحات اولدوقلاری بیلدیریلیب.
اؤلکهلر ونزوئلا حاکمیتینی بوتون سایما لیستهلرینی آچیقلاماغا چاغیریب و موخالیفتین سئچکیلرین ساختالاشدیریلدیغینا دایر ادعالارینین آراشدیریلمالی اولدوغونو بیان ائدیبلر.
آچیقلامادا "بو پروسهده بوتون ونزوئلالیلارین، خصوصاً ده سیاسی لیدرلرین حقوقلارینا حؤرمت ائدیلمهلیدیر" ذکر ائدیلهرک، ونزوئلا حکومتینی اعتراضچیلارا قارشی تمکینلی اولماغا دعوت ائدیلیب.
آچیقلامادا همچینین حبسلر و اعتراضچیلارا قارشی زوراکیلیق پیسلنیب.
ایولون 28-ده ونزوئلادا پرئزیدئنت سئچکیلری کئچیریلیب.
ونزوئلا سئچکی شوراسینین آچیقلادیغی نتیجهلره گؤره، نیکولاس مادورو 51.20 فایز سسله اوچونجو دفعه پرئزیدئنت سئچکیلرینده غالیب گلیب.
ایولون 29-دا سئچکی باشا چاتدیقدان سونرا بیاناتلا چیخیش ائدن موخالیفت میللی سئچکی شوراسینین معلوماتلارینین دقیق اولمادیغینی و نتیجهلرین ساختا اولدوغونو ادعا ائدیب.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
