ناتودان آنکارادا گئرچکلشدیریلن گیروو موبادیلهسی ایله باغلی آچیقلاما
ناتو باش کاتیبی ینس استولتنبرگ، "حاقسیز یئره توتلان متفیق وطنداشلارینین و روس سیاسی محبوسلارین سربست بوراخیلماسینی ممنونیتله قارشیلاییرام" دگرلندیرمهسینی وئردی
ناتو، باشکند آنکارادا دونن گئرچکلشدیریلن موبادیله عملیاتییلا روسیاداکی محبوسلارین سربست بوراخیلماسینی "ممنونیتله قارشیلادیقلارینی" بیلدیردی.
ناتو باش کاتیبی ینس استولتنبرگ، سوسیال مئدیا پایلاشیمیندا، "حاقسیز یئره توتلان متفیق وطنداشلارینین و روس سیاسی محبوسلارین سربست بوراخیلماسینی ممنونیتله قارشیلاییرام" دگرلندیرمهسینی وئردی.
آوروپا بیرلیگی خاریجی ایلیشکیلر و تهلوکهسیزلیک سیاستی یوکسک نمایندهسی جوزپ بورل ایسه مؤوضوع ایله باغلی یازیلی آچیقلاماسیندا،
"آوروپا بیرلیگی، وطنداشلارینین تورکیهنین کؤمیی ایله سربست بوراخیلماسی و آزادلیغینا قوووشماسییلا راحاتلامیشدیر" ایفادهسینی ایشلتدی.
آمریکا بیرلشمیش دؤولتلری باشقانی جو بایدن ایله خاریجی ایشلر باخانی آنتونی بلینکن ده موبادیله عملیاتینا باغلی یازیلی بیر آچیقلاما وئررک، "۳ آمریکا وطنداشی ایله بیر یاشیل کارت صاحبی ۴ نفرین روسیادا حاقسیزجا توتولدوقلاری حبسخانادان ائولرینه قاییتمالاریندان" بؤیوک سئوینج دویدوقلارینی، "تورک حکومتینه ده بو شخصلرین گوونلی شکیلده قاییتماسینا ایمکان تامین ائتدیگی اوچون تشکر ائتدیکلرینی" قئید ائتدی.
میللی استخبارات تشکیلاتی (میت)، دونن باشکند آنکارادا، آمریکا بیرلشمیش دؤولتلری، آلمانیا، لهستان، اسلوونی، نروژ، روسیا و بلاروس زندانلاریندا اولان ۲۶ نفرین قارشیلیقلی دییشمهسینی احتیوا ائدن سون دؤورون ان گئنیش احاطهلی موبادیله عملیاتینا ایمضا آتمیشدی.
