مادورودان بلینکنه تپکی
پرئزیدئنت سارایینین ائیوانیندان طرفدارلارینا مراجعت ائدن نیکولاس مادورو آمریکا دریش ایشلر ناظیری بلینکنه رئاکسیا وئریب.
ونزوئلا پرئزیدئنتی نیکولاس مادورو آمریکا دیش ایشلر ناظیری آنتونی بلینکنین اؤلکهسینده کئچیریلن پرئزیدئنت سئچکیلری ایله باغلی آچیقلاماسینا بئله رئاکسیا وئریب:
"آمریکا، ونزوئلانین ایچ ایشلرینه قاریشما" دئدی.
پایتاخت کاراکاسداکی میرافلورئس پرئزیدئنت سارایینین ائیوانیندان طرفدارلارینا مراجعت ائدن نیکولاس مادورو آمریکا دریش ایشلر ناظیری بلینکنه رئاکسیا وئریب.
ونزوئلانین اگمن دؤولت اولدوغونو و خالقین ایرادهسینین سئچکیده تظاهر ائتدیگینی وورغولایان مادورو، "آمریکا ونزوئلادا باشقا دؤولت باشچیسی اولدوغونو سؤیلهمک اوچون ایرلی گلیر. آمریکا ونزوئلا ایچ ایشلرینه قاریشمامالیدیر" دئدی.
مادورو اؤلکهدهکی اعتراضلارا دا توخوناراق، "اونلارین دئمک اولار کی، 85 فایزی کولومبییا، پرو، شیلی و تکزاسدان گلن موهاجیردیر. چوخلو چئوریلیشلر گؤرموشوک، لاکین بو جور بؤیوک تلهلر حاضیرلایان بو خصوصیتلره مالیک جینایتکارلار گؤرممیشیک. بونلار یئنی نسیل قولدور دستهلریدیر. ونزوئلانی قولدورلارین حاکیم اولدوغو هایتی و ائکوادورا چئویرمک ایستییرلر" دئدی.
مادورو میللی سئچکی شوراسینین آچیقلادیغی سئچکی نتیجهلرینه اعتراض ائتمک ایستهین بوتون نامیزدلری توتاناخلارینی میللی سئچکی شوراسی و ونزوئلا عالی محکمهسینه تقدیم ائتمهیه چاغیریب.
میللی سئچکی شوراسی و ونزوئلا عالی محکمهسینین توتاناخلاری آراشدیردیقدان سونرا وئرجگی قرارلارین حل ائدیجی اولاجاغینی ایفاده ائدن مادورو، اؤز توتاناخلارینی دا بو قوروملارا تقدیم ائدجکلرینی بیلدیریب.
آمریکا دیش ایشلر ناظیری بلینکن موخالیفت کوالیسیونونون بیرلشمیش دئموکراتیک پلاتفورماسینین نامیزدی ائدموندو گونزالئسین ونزوئلادا کئچیریلن پرئزیدئنت سئچکیلرینده بؤیوک فرقله غالیب گلدیگینی ادعا ائدیب.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
