لوفتهانزا تل-آویوه اوچوشلاری دایاندیریب
آلمان هاوا شیرکتی لوفتهانزا تهلوکهسیزلیک سببیله لبنانین پایتاختی بیروتدان سونرا ایسرائیلین پایتاختی تل-آویوه اوچوشلاری دایاندیریب.
آلمان هاوا شیرکتی لوفتهانزا تهلوکهسیزلیک سببیله لبنانین پایتاختی بیروتدان سونرا ایسرائیلین پایتاختی تل-آویوه اوچوشلاری دایاندیریب.
بلژیکین رسمی خبر آژانسی بلگانین معلوماتینا گؤره، بروکسل ایرلاینزین دا داخیل اولدوغو لوفتهانزا آوقوستون 8-نهدک تل-آویوه اوچمایاجاق.
لوفتهانزا همچینین بیروتا اوچماماق بارهده اوولکی قرارینین احاطه دایرهسینی آوقوستون 12-نهدک اوزادیب.
قرارا سبب کیمی بؤلگهده تهلوکهسیزلیک وضعیتینین پیسلشمهسی گؤستریلیب و اوچوشلارین برپاسی ایله باغلی "یئرده وضعیتین ایزلنهجگی" بیلدیریلیب.
اوچوشلاری لغو ائدیلن سرنیشینلر یئنیدن رزرواسیون ائدهبیلهجک و یا پولون گئری قایتاریلماسینی طلب ائده بیلهجکلر.
اوکتیابرین 7-سینده ایسرائیلین غزهده سالدیریلاریندان سونرا گرگینلیک لبنان سرحدینده ده اؤزونو گؤستریب.
ایسرائیلین ایولون 27-نده جولان تپهلریندهکی مجدل شمس قصبهسینه سالدیریا گؤره حزب الله حرکاتینی مسئولیت داشیماسی ایله گرگینلیک بیر آددیم دا ایرلی آتیلیب.
ایسرائیل اوردوسونون لبنانداکی حزب الله هدفلرینه قارشی مومکون سالدیرینین گوندهمه گلمهسی ایله اؤلکهنین یئگانه هاوا لیمانی اولان رفیق هریری بین الخالق هاوا لیمانیندا ایحتیاط تدبیری اولاراق دئمک اولار کی، بوتون اوچوشلار دایاندیریلماغا باشلانیب.
بوندان اؤنجه اطریش و سوئد هاوا یوللاری دا بیروتا اوچوشلاری دایاندیردیقلارینی آچیقلامیشدی.
ایلگیلیلی خبرلر
روسیه لبنانداکی سالدیرینی قیناییب
روسیه لبناندا چاغری جیهازلارینی پارتلاتماقلا ائدیلن سالدیرینی قیناییب.
