بلینکن، بن زاید آل نهیان و بن فرحان آل سعود ایله گؤروشوب

آمریکانین خاریجی ایشللر ناظیری، آنتونی بلینکن بیرلشمیش عرب امیرلیکلرینین خاریجی ایشلر ناظیری شیخ عبدالله بن زاید آل نهیان و سعودی عربیستانین خاریجی ایشلر ناظیری فیصل بن فرحان آل سعود ایله گؤروشوب.

خاریجی ایشلر ناظیرلیگینین سؤزچوسو مئتیو میلر طرفین‌دن ائدیلن یازی‌لی آچیقلامادا بلینکنین به و سعودی عربیستان‌دان اولان همکارلاری ایله یاخین شرق‌ده داوام ائد‌ن گرگین‌لیک و حادثه‌لرله باغلی گؤروشدویو پایلاشیلیب.

بیلدیریلیب کی، بلینکنین آل نهیان ایله گؤروشو زامانی "غزه‌ده اینسانی یاردیمین آرتیریلماسی و داوام‌لی سوییه‌ده اولماسینا شرایط یاراداجاق آتیش‌کسین تامین ائدیلمه‌سی و محبوسلارین آزاد ائدیلمه‌سی اوچون" دیپلوماتیک تلاشلار باره‌ده فیکیر موبادیله‌سی آپاریلیب.

قئید اولونوب کی، گؤروشمه زامانی آمریکا خاریجی ایشللر ناظیری غزه‌ده راضیلیغین الده اولونماسینا صادیقلیغینی بیر داها بیان ائدیب و بیرلشمیش عرب امیرلیکلرینین غزه‌لی‌لره گؤستردیگی اهمیت‌لی اینسانی دستگه، او جمله‌دن بو هفته عاجیل طیبی یاردیما ایحتیاجی اولان 148 فیلیسطینلینین تخلیه‌سینه گؤره میننتدارلیغینی بیلدیریب.

ناظیر بلینکن سعودی‌لی همکاری بن فرحان ایله گؤروشون‌ده ده غزه‌ده آتیشکس و محبوسلارین آزاد ائدیلمه‌سی مسئله‌لرینین اؤنجه‌لیگی اولدوغونو وورغولاییب.

بیلدیریلیب کی، بلینکن سعودی عربیستانین غزه‌ده یاردیم چات‌دیرماق اوچون گؤستردیگی تلاشلاری یوکسک قیمتلندیریب.

بیلدیریلیب کی، ایکی ناظیر سودان اوردوسو و چئویک دستک قوه‌لرینین آوقوست آیین‌دا پلانلاش‌دیریلان آتیشکس دانیشیقلارین‌دا ایشتیراکینین، موناقیشه‌نین سونا چاتماسی اوچون راضیلیغا گلمه‌سینین و اینسانی یاردیملارین ایحتیاجی اولانلارا چاتدیریلماسینین واجیبلیگینی وورغولاییبلار.