بو گون، سربرنیتسا سوی‌قیریمینی بین الخالق دوشونمه و خاطیرلاما گونودور

بیرلشمیش میللتلر بو ایل تورکیه‌نین ده جهدلری ایله ۱۱ جولایی 'سربرنیتسا سوی‌قیریمینی بین الخالق دوشونمه و خاطیرلاما گونو' اولاراق تعیین ائتدی

2161984
بو گون، سربرنیتسا سوی‌قیریمینی بین الخالق دوشونمه و خاطیرلاما گونودور

سربرنیتسا، ایکینجی دونیا دؤیوشو سونراسیند آوروپادا یاشانان ان بؤیوک سوی‌قیریما صحنه اولدو.

بیرلشمیش میللتلر بو ایل تورکیه‌نین ده جهدلری ایله ۱۱ جولایی 'سربرنیتسا سوی‌قیریمینی بین الخالق دوشونمه و خاطیرلاما گونو' اولاراق تعیین ائتدی.

خاریجی ایشلر ناظیرلیگینده 'سربرنیتسا سوی‌قیریمینی بین الخالق دوشونمه و خاطیرلاما گونو' بو سببی ایله بیر ییغینجاق تشکیل ائدیلدی.

ییغینجاقدا دانیشان خاریجی ایشلر ناظیر کؤمکچیسی و آوروپا بیرلیگی باشچیسی سفیر کمال بوزآی گئچمیشدن درس چیخاریلماسی لازیم اولدوغونو وورغولادی.

بوزآی، "تأسف کی، سربرنیتسادا بوشناکلارا اولدوغو کیمی غزه‌ده ده فیلیسطین خالقینا قارشی داوام ائد‌ن قیرغینلار قارشیسیند اینسانلیغین نه قدر پیس بیر امتحان وئردیگینی بیرلیکده گؤروروک" دئدی.

بین الخالق توپلومون ایسرائیلی دوردورماقدا و جزالاندیرماقدا یئترسیز قالدیغینی ایفاده ائد‌ن بوزآی، "چونکو ایسرائیل بو گون محاکیمه اولوندوغو، بین الخالق عدالت دیوانینین احتیاط تدبیرلرینی و بیرلشمیش میللتلر تهلوکه‌سیزلیک شوراسی قرارلارینی بئله تطبیق ائتمه‌مکده‌دیر. بونونلا بیرلیکده غزه‌ده‌کی بو باربارلیغین مسئوللارینی عینی سربرنیتسادا شاهید اولدوغوموز کیمی بین الخالق حقوق قارشیسیند تئز یا دا گئچ حساب وئرجگینه اورکدن اینانیریق" ایفاده‌لرینی ایشلتدی.

ییغینجاقدا دانیشان بوسنی هرزگوینین آنکارا سفیری میرسادا چولاکوویچ ده تورکیه‌یه دستکلری اوچون تشکر ائتدی.



ایلگیلی‌لی خبرلر