ناتو ذیروه توپلانتیسی باشلادی

آمئریکا بیرلشمیش میللتلری باشکندی واشینگتوندا گئچیریلن ذیروه‌نین اساس گوندم قونوسو اوکراینا-روسیه ساواشیدیر

2161237
ناتو ذیروه توپلانتیسی باشلادی

قوزئی آتلانتیک پیمانی تشکیلاتی ناتو ذیروه توپلانتیسی باشلادی.

آمئریکا بیرلشمیش میللتلری باشکندی واشینگتوندا گئچیریلن ذیروه‌نین اساس گوندم قونوسو اوکراینا-روسیه ساواشیدیر. 

ناتو-یا عوضو ۳۲ اؤلکه‌نین لیدرلرینی بیر آرایا گتیرن ناتو ذیروه‌سی، تشکیلاتین ۷۵-جی ایل‌دؤنومونو قید ائدن مراسیمله باشلادی.

آمئریکا جمهور باشقانی جو بایدن مراسیمده ناتو-نون باش کاتیبی یئنس استولتنبرگه «باشقانلیق آزادلیق مئدالی» تقدیم ائتدی.

استولتنبرگ چیخیشیندا اوکراینا ساواشینا توخوندو.

اوکراینانین روسیایا قارشی دسته‌کلنمیه داوام ائتمه‌لی اولدوغونو قید ائدن ناتو باش کاتیبی بو ساواشین نتیجه‌سینین اون‌ایللر بویو گلوبال تهلوکه‌سیزلیگه تأثیر ائده‌جگینی بیلدیردی.

ائو صاحیبی آمئریکا جمهور باشقانی بایدن، ناتو عوضولرینین اوکراینانی «تاریخی» اهمییتلی هاوا هوجوموندان مودافیعه سیستئملری ایله تامین ائده‌جکلرینی آچیقلادی.

بایدن آلمان، ایتالیا، هولند و رومانیا ایله بیرلیکده اوکراینا پاتریوت باتارئیالاری و حیصّه‌لری تداروک ائده‌جکلرینی بیلدیردی.

ذیروه‌یه اوکراینا جمهور باشقانی ولادیمیر زئلئنسکی‌ده دعوت اولونوب.

زئلئنسکی ذیروه‌یه قاتیلمادان اؤنجه واشینگتوندا وئردیگی آچیقلامادا «دونیا روسیانی چکیندیرمک اوچون نوامبردا آمئریکادا گئچیریله‌جک جمهور باشقانلیغی سئچکیسینی گؤزله‌یه‌بیلمه‌ز» دئدییب.

اوکراینا جمهور باشقانی آمئریکا حؤکومتینه دئییب کی، «حرکت ائتمک اوچون گوجلو قرارلار قبول ائتمه‌نین واختی چاتیب». 

 



ایلگیلی‌لی خبرلر