گونئی آفریقادا ایسپانیالی توریست فیللرین هوجومو نتیجه‌سینده اؤلدو

پارکدا گؤردویو فیل سوروسونون یاخیندان فوتوسونو چکمک اوچون ماشینینی ترک ائدن ۴۳ یاشلی کیشی توریست، فیللر طرفیندن ازیله‌رک اؤلدو

2161468
گونئی آفریقادا ایسپانیالی توریست فیللرین هوجومو نتیجه‌سینده اؤلدو

گونئی آفریقا جمهوریتی میللی پارکیندا گزمه‌یه گئدن ایسپانیالی توریست، فیللرین هوجومو نتیجه‌سینده اؤلدو.

گونئی آفریقا پولیسینین وئردیگی آچیقلامادا، پارکدا گؤردویو فیل سوروسونون یاخیندان فوتوسونو چکمک اوچون ماشینینی ترک ائدن ۴۳ یاشلی کیشی توریستین فیللر طرفیندن ازیله‌رک اؤلدویو بیلدیریلدی.

بیلدیریلیب کی، اؤلن آدامین یانیندا اولان و ماشینی ترک ائتمه‌ین ۳ توریست خسارت آلمادان قورتولوبلار.

گونئی آفریق، بوتسوانا، زامبییا و زیمبابوه دونیادا ان چوخ فیلی اولان اؤلکه‌لر سیراسیندادیر. بو بؤلگه‌دکی میللی پارکلارین تهلوکه‌سیز موحیطینده ساییسی سورعتله آرتان فیللر، تهلوکه حیس ائتدیکلری زامان اینسانلارا هوجوم ائده‌بیلیرلر.

حادیثه‌نین باش وئردییی پیللانئسبئرگ میللی پارکی یوهاننئسبورق شهریندن تخمینا ۳،۵ ساعاتلیق اوزاقلیقدادیر و شهره گلن توریستلرین سئچدیگی سافاری مکانلاری آراسیندادیر.

 

 



ایلگیلی‌لی خبرلر