نارندرا مودی روسیادا سفرده‌دیر

نارندرا مودی روسیایا ائتدیگی سفر چرچیوسینده پرزیدنت ولادیمیر پوتین ایله گؤروشوب.

2161148
نارندرا مودی روسیادا سفرده‌دیر

هیندوستانین باش ناظیری نارندرا مودی روسیایا رسمی سفر ائدیب.

نارندرا مودی روسیایا ائتدیگی سفر چرچیوسینده پرزیدنت ولادیمیر پوتین ایله گؤروشوب.

کرملین-ده کئچیریلن گؤروشون مطبوعاتا آچیق حیسه‌سینده چیخیش ائدن ولادیمیر پوتین کئچن ایل ایکی اؤلکه آراسینداکی تیجارت حجمی‌نین 66 فایز آرتدیغینی وورغولاییب.

بو ایلین ایلک اوچ آییندا تیجارت حجمی‌نین 20 فایز آرتدیغینا دقت چکن ولادیمیر پوتین دئییب: "موناسیبت‌لریمیز ایمتیازلی ایستراتژی اورتاق‌لیق کاراکئری داشیییر".

ولادیمیر پوتین ایکی اؤلکه‌نین بریکس، (برزیلیا، روسیا، هیندوستان، چین و گونئی افریقا جمهوریتی) شانگهای امکداش‌لیق تشکیلاتی و بیرلشمیش میللت‌لر تشکیلاتی ایله یاخین امکداش‌لیق ائتدیگینی خاطیرلادیب.

"ان کریتیک مسئله‌لره گؤستردیگینیز دقته گؤره سیزه میننتدارام"،-دئیه ولادیمیر پوتین وورغولاییب.

دونیانین سون 5 ایلده موختلیف پروبلئم‌لرله موباریزه آپاردیغینا دقت چکن نارندرا مودی دئییب: "راکت‌لر پروبلئم‌لرین حلینه کؤمک ائتمه‌یه‌جک. باریشچیل دیالوگون ضروری اولدوغونا اینانیریق".

ان قیسا زاماندا باریشین برقرار اولماسی مسئله سینده ولادیمیر پوتین ایله راضیلاشدیق‌لارینی ایفاده ائدن نارندرا مودی دئییب: "بو مؤوضوع دا هر جور یاردیما حاضیریق".

ژوئن آییندا آند ایچه‌رک اوچونجو دفعه جمهور باشقانی وظیفه‌سینه باشلایان نارندرا مودی ولادیمیر پوتینله ایکی طرف‌لی موناسیبت‌لرین بوتون آسپئکت‌لرینی نظردن کئچیرمگی و موختلیف قلوبال پروبلئم‌لری موذاکیره ائتمگی سبیرسیزلیکله گؤزله‌دیگینی آچیقلاییب.

طرفلرین تیجارت، تهلوکه‌سیزلیک، بولگه‌سل و قلوبال پروبلئم‌لر کیمی مسئله‌لری موذاکیره ائدجگی گؤزلنیلیر.

امریکا نارندرا مودی‌نین روسیایا سفرینه رئاکسیا وئرسه ده، هیندوستان و روسیانین ایکی طرف‌لی موناسیبت‌لرینی درینلشدیرجگی دوشونولور.

قئید ائدک کی، نارندرا مودی سونونجو دفعه 2021-جی ایلده اؤزبکیستاندا کئچیریلن شانگهای امکداش‌لیق تشکیلاتینا عضو اؤلکه لرین لیدئرلری‌نین ایجلاسی چرچیوسینده روسیا پرزیدنتی ولادیمیر پوتینله گؤروشموشدو.



ایلگیلی‌لی خبرلر