ارمنیستان و آمریکا ایلیشکیلرینین سویه‌سینی یوکسلتدی

آمریکا ارمنیستانا "دموکراتیک اصلاحاتلار" و ساوونما قابیلیتینی یوکسلتمه مؤوضوعلاریندا داها چوخ کؤمک ائده‌بیله‌جک

2152198
ارمنیستان و آمریکا ایلیشکیلرینین سویه‌سینی یوکسلتدی

 

ارمنیستان و آمریکا ایلیشکیلرینی استراتژیک اورتاقلیق سویه‌سینه یوکسلتدیکلرینی آچیقلادی. بو سایه‌ده آمریکا ارمنیستانا "دموکراتیک اصلاحاتلار" و ساوونما قابیلیتینی یوکسلتمه مؤوضوعلاریندا داها چوخ کؤمک ائده‌بیله‌جک.

ارمنیستان و آمریکا هیئتلرینین استراتژیک دیالوگ ییغینجاقلارینین سونونجوسوندا بیر اورتاق آچیقلاما ایمضالاندی. سنده گؤره طرفلر ایکیلی ایلیشکیلرین گوجلندیریلمه‌سینی دانیشدی. بو مؤوضوعداکی اورتاق ویزیون، استراتژیک اورتاقلیق کمیسیونونون ایکیلی دیالوگ ایستاتوسونو یۆکسلدن بیر آنلاشما متنی ایله حیاتا گئچیریله‌جک.

ارمنیستان و آمریکا هیئتلری انرژی گۆونلیگی، تحریملر، صادرات یوخلاماسی و گۆونلیک مؤوضوعلارینی دانیشدی. آچیقلامادا، "قاپانیش ییغینجاغینین قاتیلیمچیلاری، آمریکانین ارمنیستان ساوونما بؤلومونون ترانسفورماسیونو و حقوق سیستمینین اینکیشاف ائتدیریلمه‌سی گیریشیملرینه دستگینین اؤنمینی وورغولادی" دئییلیر.

ساوونما باخانلیقلاری، ارمنیستان سلاحلی گوجلری باش قرارگاه باشقانلیغی و آمریکا آوروپا باشقانلیغی آراسیندا گئرچکلشدیریلن ایلک ایللیک ییغینجاغین نتیجه‌لرینه دایر ممنونیت بیلدیردیلر.

استراتژیک اورتاقلیق، دموکراسینین اینکیشاف ائتدیریلمه‌سی، اگمنلیک، تورپاق بوتونلوگو و سرحدلرین توخونولمازلیغینا باغلی تمل قانونلارین منیمسندیگی معناسینی وئریر. اورتاقلیق، آمریکا اوردوسونون اولاسی بیر چاتیشمایا دوغرودان موداخیله‌سی اولمادان واشینگتونون اقتصادی و ساوونما ساحه‌لرینده‌کی اصلاحاتلارا دستک وئرمه‌سینی تامین ائدیر.

ارمنیستان، ۲۰۲۳.جو ایلده باشباخان نیکول پاشینیانین روسیانی و کولکتیو گۆونلیک آنلاشماسی تشکیلاتینی قاراباغ اختیلافی سیراسیندا پاسیو قالماقلا سوچلاماسی و آردیندان باکینین تورپاق بوتونلوگونو یئنیدن تامین ائتمه‌سی ایله، باتی ایله یاخینلاشماسینی سورعتلندیردی.



ایلگیلی‌لی خبرلر