آمریکا اوکراینین آزوف توغایینا سیلاح قاداغاسینی لغو ائتدی

آزوف توغایی اوکراینین دوغوسوندا "مولکی املاکی تالاماق و اینسانلارین دیدرگین دوشمه‌سینه سبب اولماقدا" گوناهلاندیریلیب

2152242
آمریکا اوکراینین آزوف توغایینا سیلاح قاداغاسینی لغو ائتدی

آمریکا اوکراینین آزوف توغایینا تطبیق ائتدیگی سیلاح قاداغاسینی آراشدیرمالاردا هئچ بیر اینسان حوقوقو پوزونتوسو آشکار ائدیلمدیگی اوچون لغو ائتدی.

آمریکا خاریجی ایشلر ناظیرلیگیندن آدینین آچیقلانماسینی ایسته‌مه‌ین سؤزچوسو بریتانیانین بی.بی.سی کانالینا بیلدیریب کی، اوکرایننین آزوف توغایینین اینسان حاقلارینی پوزوب-پوزماماسی ایله باغلی آراشدیرما آپاریلیر.

سوزچو، آراشدیرمالاردان سونرا توغایدا هئچ بیر اینسان حوقوقلاری پوزونتوسونا راست گلینمدیگینی بیلدیریب.

سؤزچو بیلدیریب کی، داها سونرا حؤکومت توغایین آمریکادان سیلاح دستیی آلماسینا مانع اولان قاداغانی آرادان قالدیریب.

بو آرادا آزوف توغایینین قرارلا باغلی وئردیگی آچیقلامادا "آمریکادان سیلاح و حربی تعلیم آلماق هم حربی پتانسیلی گوجلندیره‌جک، هم‌ده توغایداکیلارین ساغلاملیق و حیاتلارینی قوروماغا کؤمک ائده‌جک." ایفاده‌سی ایشلدیلدی.

2014-جو ایلده کؤنوللو توغای کیمی یارادیلان آزوف سونرادان میللی محافظلر ایله بیرلشدیریلیب.

بیرلشمیش میلتلر تشکیلاتینین (بمت) 2016-جی ایلده درج ائتدیگی حساباتدا آزوف توغایی اوکراینین دوغوسوندا "مولکی املاکی تالاماق و اینسانلارین دیدرگین دوشمه‌سینه سبب اولماقدا" گوناهلاندیریلیب.



ایلگیلی‌لی خبرلر