آمریکا اوکراینایا پاتریوت ساوونما سیستمی گؤندرجک

آدلارینین آچیقلانماماسی شرطی ایله نیویورک تایمز قزئتینه دانیشان ۲ آمریکالی مقام، آمریکا باشقانی جو بایدنین، اوکراینایا پاتریوت سیستمی گؤندرمه قرارینی گئچه‌ن هفته آلدیغینی ایفاده ائتدی

2151954
آمریکا اوکراینایا پاتریوت ساوونما سیستمی گؤندرجک

نیویورک تایمز قزئتی، آمریکا بیرلشمیش دؤولتلری رهبرلیگینین، اوکراینایا یئنی بیر پاتریوت هاوا ساوونما سیستمی گؤندرجگینی بیلدیردی.

آدلارینین آچیقلانماماسی شرطی ایله نیویورک تایمز قزئتینه دانیشان ۲ آمریکالی مقام، آمریکا باشقانی جو بایدنین، اوکراینایا پاتریوت سیستمی گؤندرمه قرارینی گئچه‌ن هفته آلدیغینی ایفاده ائتدی.

باخیمین آردیندان پاتریوت سیستمینین گلن گونلرده اوکراینایا گؤندریله‌بیله‌جگینی بیلدیرن مقاملار، بو قرارین دیگر متفیق اؤلکه‌لری عینیسینی ائتمه‌یه تشویق ائده‌بیله‌جگینی ایفاده ائتدی.

مقاملار، آمریکا ساوونما باخانلیغینین (پنتاگون) بیر پاتریوت سیستمینی ده لهستانا قونوشلاندیرابیله‌جگینی قید ائتدی.

اوکراینا دؤولت باشقانی ولودیمیر زلنسکی، آمریکا خاریجی ایشلر باخانی آنتونی بلینکن ایله گؤروشمه‌سینده، اوکراینا اوچون پاتریوت هاوا ساوونما سیستملرینی موذاکیره ائتدیکلرینی بیلدیرمیشدی.

آلمانیا دا اوچونجو بیر پاتریوت هاوا ساوونما سیستمینین گله‌جک هفته‌لرده اوکراینایا تحویل وئریله‌جگینی بیلدیرمیشدی.

آمریکا باشقانی جو بایدن، تخمیناً ۶ آی داوام ائد‌ن عسگری دستک ایشلرینین آردیندان ۲۴ آوریلده اوکراینایا ۶۱ میلیارد دلارلیق کؤمک اؤن گؤرن پاکتی ایمضالامیشدی.

آمریکا ساوونما باخانی لوید آستین ده ۲۶ آوریلده اوکراینایا اوزون دؤنمده ۶ میلیارد دلار دگرینده یئنی بیر علاوه عسگری کؤمک پاکتی تامین ائدیله‌جگینی بیلدیرمیشدی.



ایلگیلی‌لی خبرلر