جو بایدن ایسرائیل و حماس راضیلاشما تکلیفینی شیخ تمیم بین حمد آل ثانی ایله دانیشیب

بایدن قطردن حماسی تکلیفی قبول ائتمه‌یه راضی سالماسینی ایسته‌ییب و قطر امیرینه بو پروسه‌ده وئردیگی دستک اوچون تشکور ائدیب

2148307
جو بایدن ایسرائیل و حماس راضیلاشما تکلیفینی شیخ تمیم بین حمد آل ثانی ایله دانیشیب

آمریکا پرزیدنتی جو بایدن ایسرائیلین مؤوجود آتیش‌کس تکلیفینه اویغون اولاراق نؤبتی آددیمی آتماغا حاضیر اولدوغونو بیلدیریب.

آغ ائودن وئریلن یازیلی آچیقلامادا جو بایدنین قطر امیری شیخ تمیم بین حمد آل ثانی ایله تلفونلا دانیشدیغی و تکلیف اولونان آتیش‌کسله باغلی سون وضعیتی دَیرلندیردیگی بیلدیریلیب.

آچیقلامایا گؤره، آتیش‌کس راضیلاشماسی تکلیفینین "غزه‌ده بؤحرانا سون قویماق اوچون یول خریطه‌سی تکلیف ائتدیگی" مؤوضوعسوندا راضیلاشان ایکی لیدردن بیری اولان بایدن، حماسین بو تکلیفی قبول ائتمه‌لی اولدوغونو بیلدیریب.

آچیقلامادا "پرزیدنت ایسرائیلین حماس-ا تقدیم ائتدیگی راضیلاشمانین شرطلرینه اویغون اولاراق نؤبتی آددیمی آتماغا حاضیر اولدوغونو تصدیقلَییب"، ایفاده‌لری ایشلدیلیرکن، بیلدیریلیب کی، بایدن قطردن حماسی تکلیفی قبول ائتمه‌یه راضی سالماسینی ایسته‌ییب و قطر امیرینه بو پروسه‌ده وئردیگی دستک اوچون تشکور ائدیب.

آمریکا پرزیدنتی بایدن جمعه گونو وئردیگی آچیقلامادا ایسرائیلین حاضیرلادیغی 3 مرحله‌لی آتیش‌کس تکلیفینی آچیقلاییب.

ایسرائیلین باش ناظیری بنیامین نئتانیاهو بایدنین اعلان ائتدیگی تکلیفله اونون اؤز لایحه‌لری آراسیندا بعضی بوشلوقلارین اولدوغونو مودافیعه ائتدی.

آغ ائوین میللی تهلوکه‌سیزلیک اوزره ایلتیشیم دیرئکتورو جان کیربی بایدنین تقدیم ائتدیگی لایحه‌نین ایسرائیله عاید اولدوغونو بیلدیریب.



ایلگیلی‌لی خبرلر