روسیا آمریکانی اویاردی
"آمریکالی مقاملاری گئری قایتاریلماز نتیجهلری اولابیلهجک یانلیشلارا قارشی اویارماق ایستهییریک"

موسکوا واشینگتونا "گئری قایتاریلماز (قاچینیلماز. اینگیزجه: fatal) نتیجهلری" اولابیلهجک "دوشونولمهمیش آددیملار" آتماماسینی توصیه ائتدی.
آچیقلامانی وئرن روسیا خاریجی ایشلر باخانی کؤمکچیسی سرگئی ریابکوو "کیئوه، روس تورپاقلارینا آمریکا سیلاحلارییلا هوجوم ائتمه ایجازهسی" وئریلمهسینی یوروملادی.
باخان کؤمکچیسی، "آمریکالی مقاملاری گئری قایتاریلماز نتیجهلری اولابیلهجک یانلیشلارا قارشی اویارماق ایستهییریک" دئیه دانیشدی. ریابکووا گؤره آمریکا رهبرلیگی "آیدین اولماز بیر سببدن اؤترو گؤرهبیلهجگی قارشیلیغین جدیلیگینی خفیفه آلیر".
۳۱ میده آمریکا خاریجی ایشلر باخانلیغی، باشقان جو بایدنین اوکراینا سلاحلی گوجلرینه، روسیا تورپاقلارینی قیسماً وورما ایجازهسی وئردیگی قراری بیلدیردی.
روسیا رهبرلیگی داها اؤنجه ده بو جور آددیملارین تهلوکهلی نتیجهلر دوغوراجاغی قونوسوندا اویارمیشدی. بایدنین آچیقلاماسی سونراسیندا کرملین، بونون آمریکانین چاتیشمایا قاریشدیغینین گؤستریجیسی اولدوغونو بیلدیردی.
ایلگیلیلی خبرلر

روسیانین آلتای بؤلگهسینده ۶،۴ ریشتر گوجونده زلزله باش وئریب
ایلکین تثبیتلره گؤره، زلزلهده جان ایتکیسی و یارالانما اولمادیغینی بیلدیریب.