بیرلشمیش میللتلر: رفحده سون 2 گونده 32 میندن چوخ فیلیسطینلی کؤچ ائدیب
بیرلشمیش میللتلر: فیلیسطینلی عائلهلر تهلوکهسیزلیک آختاریر، لاکین اونلار اوچون غزه زولاغیندا افقدا داغینتی و خسارتدن باشقا بیر شئی یوخدور
ایسرائیلین هوجوملارینی داوام ائتدیردیگی غزه زولاغینین گونئییندهکی رفحده سون 2 گونده 32 میندن چوخ فیلیسطینلی کؤچ ائتمک مجبورییتینده قالیب.
بیرلشمیش میللتلر تشکیلاتینین یاخین شرقدهکی فیلیسطینلی قاچقینلارا یاردیم و ایشلر اوزره آژانسی (اونروا) سوسیال مئدیا حئسابیندا رفحدهکی وضعیتله باغلی یازیلی آچیقلاما وئریب.
ایسرائیلین هوجوملارینین هدفی اولان رفحده سون 2 گونده 32 میندن چوخ فیلیسطینلینین کؤچ ائتمک مجبورییتینده قالدیغینا دقت چکن آچیقلامادا، "عائلهلر تهلوکهسیزلیک آختاریر، لاکین اونلار اوچون غزه زولاغیندا افقدا داغینتی و خسارتدن باشقا بیر شئی یوخدور." بَیاناتی داخیل ائدیلیب.
کؤچمک مجبورییتینده قالان فیلیسطینلی عائلهلرین گؤرونتولرینین ده یئر آلدیغی آچیقلامادا غزهده تحلوکهسیز یئر اولمادیغی وورغولانیب.
آچیقلامادا آتیشکس چاغیریشی ائدیلیب و هر شئیی گئریده قویمالی اولان فیلیسطینلیلرین حیاتینین هر گون ریسک آلتیندا اولدوغو وورغولانیب.
ایسرائیل اوردوسو می آیینین 6-دا وئردیگی آچیقلامادا مجبوری کؤچکون فیلیسطینلیلرین سیغیندیغی رفحین دوغوسونداکی بعضی محلهلرین بوشالدیلماسی بارهده خبردارلیق ائدیب.
بونون آردینجا می آیینین 7-ده ایسرائیل اوردوسو غزهنین رفح بؤلگهسینه قورودان هوجوما کئچهرک مصر ایله سرحد قاپیسینین غزه طرفینی اله کئچیردیگینی آچیقلاییب.
اونروانین چرشنبه آخشامی وئردیگی آچیقلامادا، می آیینین 6-دان اعتباراً 1 میلیون فیلیسطینلینین رفحی ترک ائتمهلی اولدوغو بیلدیریلیب.
ایلگیلیلی خبرلر
پسکوو: آمریکا ایله برابر شرطلرله دیالوگا حاضیریق
پسکوو پایتاخت موسکوادا بعضی آکتوال مؤوضوعلارلا باغلی ژورنالیستلرین سواللارینی جوابلاندیریب.
