دونیادا فیلیسطینه دستک نوماییشلری
ایسرائیلین غزه زولاغینین رفح شهرینده‌کی چادیر دوشرگه‌لرینی هدف آلماسینا آلمانین پایتخاتی برلینده بؤیوک یوروشله اعتیراض ائدیلیب
دونیا ایسرائیلین غزه‌ده تؤرتدیگی قیرغینا عکس‌العمل گؤستریر...
ایسرائیلین غزه زولاغینین رفح شهرینده‌کی چادیر دوشرگه‌لرینی هدف آلماسینا آلمانین پایتخاتی برلینده بؤیوک یوروشله اعتیراض ائدیلیب.
اورانینپلاتز میدانینا توپلاشان نوماییشچیلر یوروش زامانی "(آلمان باش ناظیری اولاف) شولتس هارداسان، ایسرائیل اؤلدورور سن باخیرسان"، "ایسرائیل ترورچودور، آمریکا ترورچودور"، "اوشاق قاتیلی ایسرائیل" کیمی شعارلار سسلندیریبلر.
آلمانین ایسرائیله سیلاح ساتیشینا داوام ائتمه‌سینه قارشی چیخان نوماییشچیلر باشدا آلمان باش ناظیری شولتس اولماقلا حؤکومتده‌کی سیاستچیلره مراجیعت ائده‌رک، ایسرائیلین هوجوملارینا یاردیم ائدنلرین بیر گون جواب وئرمه‌لی اولاجاغینی وورغولاییبلار.
بلژیکین پایتخاتی بروکسلده ایسرائیلین غزه زولاغینا هوجوملارینا قارشی اعتیراض نوماییشی کئچیریلیب.
اللرینده فیلیسطین بایراقلاری و پانکارتلاری اولان یوزلرله اینسان فیلیسطین خالقی ایله هم‌رایلیک نوماییشی کئچیریب.
فرانسه‌نین پایتخاتی پاریسده یوزلرله فیلیسطین طرفداری نوماییشچی ایسرائیله عکس‌العمل گؤستریب. نوماییشچیلر «قیرغینا سون» شعارلاری سسلندیریبلر.
اتریشده وین تکنیک بیلیم‌یوردونون طلبه‌لرینین فیلیسطینه دستک نوماییشینه پولیس موداخیله ائدیب.
پولیس بیلیم‌یوردونون باغچاسینداکی چادیرلاری ییغیشدیراراق 16 طلبه‌نی ساخلاییب.
ایتالییانین پایتخاتی روم‌داکی ساپیئنزا بیلیم‌یوردوندا اه نوماییشلر داوام ائدیر.
طلبه‌لر بیلیم‌یوردو مجتمعینده یوروش ائده‌رک رفحده‌کی قیرغینا اعتیراض ائدیبلر.
نوماییش زامانی بیلیم‌یوردومدان اه ایسرائیلله امکداشلیق موقاویله‌سینی درحال دایاندیرماق ایستنیلیب.
ایلگیلی‌لی خبرلر
گونئی آفریقادا ارزاق تهلوکه‌سیزلیگی
گونئی آفریقا جمهوریتین‌دا اهالینین 60 فایزین‌دن چوخو قیدا چاتیشمازلیغی ایله اوزلشیر.
