بیرلشمیش میللتلر تشکیلاتی: رفحدهکی چادیر دوشرگهده 200 نفر اؤلوب
ژولیت تووما: "غزهده هر یئرده اؤلوم وار." دئدی
ایسرائیلین رفح شهرینده مجبوری کؤچکون فیلیسطینلیلرین یئرلشدیگی دوشرگهیه هوجومو نتیجهسینده ان آزی 200 نفرین اولدویو بیلدیریلیب.
بیرلشمیش میللتلر تشکیلاتینین یاخین شرقدهکی فیلیسطینلی قاچقینلارا یاردیم و ایشلر اوزره آژانسینین (اونروا) ایلتیشیم (ارتباطات) دیرئکتورو ژولیت تووما نیویورکدا گوندهلیک مطبوعات کونفرانسینا قوشولاراق ژورنالیستلرین سواللارینی جاوابلاندیریب.
ایسرائیل اوردوسونون هوجوملارینین گوجلندیگی 6 می تاریخیندن بو یانا غزهنین گونئییندهکی رفح شهرینی 1 میلیوندان چوخ اینسانین ترک ائتدیگینی بیلدیرن تووما کؤچکونلویون هله ده داوام ائتدیگینی بیلدیریب. تووما بو اینسانلارین داها اول ده بیر نئچه دفعه ائولریندن دیدرگین سالیندیغینی و بؤلگهده آغیر بومباردمانین داوام ائتدیگینی بیلدیریب.
سون 3 هفتهده یالنیز 200 یاردیم ماشینینین کئچه بیلدیگینه دقت چکن تووما، "اینسانلارین احتیاجلاری آرتارکن بو، دنیزده بیر داملادیر" قیمتلندیرمسینی ائتدی.
تووما، ایسرائیلین رفح شهرینده مجبوری کؤچکون فیلیسطینلیلرین دوشرگهسینه ائدیلن هوجوملاریندا جان ایتکیسینین چوخ یوکسک اولدوغونو، آرالاریندا قادین و اوشاقلارین دا اولدوغو ان آز 200 نفرین اؤلدورولدویونو اؤیرندیکلرینی بیلدیریب.
ژولیت تووما: "غزهده هر یئرده اؤلوم وار." دئدی.
