هیندیستاندا لئیسان یاغیشلاریندا 4 نفر اؤلوب

هیندیستاندا لئیسان یاغیشلارین سبب اولدوغو حادیثه‌لر نتیجه‌سینده 4 نفر اؤلوب.

ان‌دی‌تی‌وی-نین معلوماتینا گؤره، اؤلکه‌نین گونئیینده‌کی کرالا ایالتینده گوجلو یاغیشلار نتیجه‌سینده باش وئرن حادیثه‌لرده 4 نفر اؤلوب.

کرالا ایالتینین 5 بؤلگه‌سینده قیرمیزی آلارم وئریلیب، کوژیکوده اولوسلارآراسی هاوالیمانیندا ایسه بیر چوخ اوچوش گئجیکیب.

مسئوللار هوندورلویو 3 متری کئچه‌ن دالغالار باره‌ده خبردارلیق ائدرکن، ساحیل بؤلگه‌سینده‌کی ویژینجام‌دان کاساراگودا قدر دنیز داشقینلارینین اولا بیله‌جیی باره‌ده خبردارلیق ائدیلیب.

دیگر طرفدن، هیندیستان متئورولوژی ایداره‌سینین وئردیگی آچیقلامایا گؤره، حدیندن آرتیق ایستیلر 26 می تاریخینه دک میللی پایتخات دهلی بؤلگه‌سی، راجستان، اوتار پرادش، پنجاب، هاریانا و مادیا پرادش ایالتلرینده تأثیرینی داوام ائتدیره‌جک.

راجستان ایالتینین بارمر شهرینده هاوانین ایستیلیگی 48 درجه‌نی کئچیب.

بو، 2024-جو ایلده اؤلکه‌ده قیده آلینان ان یوکسک ایستیلیک اولوب.

پایتخات یئنی دهلیده بلدیه گروپلاری پروبلئم یاشایان اراضیلره سو وئریب.

هاوالارین ایستیلشمه‌سی ایله علاقه‌دار اولاراق بؤلگه‌ده سویودوجولاردان گئنیش ایستیفاده ائدیلمه‌یه باشلانیب.

21 می تاریخینده یئنی دهلیده مؤوسومی نورمالاردان یوکسک ایستیلیکلر ایله علاقه‌دار 5 گونلوک «قیرمیزی خبردارلیق» اعلان ائدیلیب.