نیجریهده 10 ایل اول قاچیریلان 387 گیروو خیلاص ائدیلیب
بورنو ایالتیندهکی "صحرا ساغلاملیغی 111" عملیاتینین قوماندانی هارونا دیوا اوردونون بوکو حرام ترورچولارینین گیزلندیگی سامبیسا مئشهسینده عملیات کئچیردیگینی بیلدیریب

نیجریه اوردوسو 10 ایل اول بورنو ایالتینده ترور تشکیلاتی بوکو حرام طرفیندن گیروو گؤتورولن 387 نفرین خیلاص ائدیلدیگینی بیلدیریب.
بورنو ایالتیندهکی "صحرا ساغلاملیغی 111" عملیاتینین قوماندانی هارونا دیوا اوردونون بوکو حرام ترورچولارینین گیزلندیگی سامبیسا مئشهسینده عملیات کئچیردیگینی بیلدیریب.
دیوا قید ائدیب کی، 10 ایلدیر ترورچولار طرفیندن توتولان اکثریتی اوشاق و قادینلاردان عبارت 387 نفر خیلاص ائدیلیب.
نیجریه اوردوسونون اؤلکهده تهلوکهسیزلیگی تامین ائتمکده قرارلی اولدوغونو ایفاده ائدن دیوا، "بیزیم سَعیمیز سامبیساداکی ترور قالیقلارینی تمیزلهمک و ایستَینلره تسلیم اولماق ایمکانی وئرمکدیر. بو عملیاتلا اونلارین اکثریتینین تسلیم اولاجاغینی گؤزلَییریک." دئدی.
2000-جی ایللرین اوللریندن نیجریهده مؤوجود اولان بوکو حرامین 2009-جو ایلدن تشکیل ائتدیگی کوتلوی زوراکیلیقلاردا اون مینلرله اینسان حیاتینی ایتیریب.
تشکیلات 2015-جی ایلدن اؤلکهنین سرحد قونشولاری کامرون، چاد و نیجرده ده هوجوملار حیاتا کئچیریر.