آمریکادا قاسیرغا نتیجهسینده بیر نفر اؤلوب
هاوا خیدمتینین معلوماتینا گؤره، اوکلاهامادا یئددی، آیووا، کانزاس و گونئی داکوتادا ایکی، نبراسکا و تنسی ایالتلرینده ایسه بیر تورنادو موشاهیده ائدیلیب
آمریکانین مرکزی حیصّهلرینه تأثیر ائدن شیدتلی قاسیرغا نتیجهسینده بیر نفر اؤلوب، چوخلو سایدا اینسان یارالانیب.
نیویورک تایمز قزئتینین معلوماتینا گؤره، فیرتینا آمریکانین مرکزی حیصّهلرینده تأثیرلی اولوب.
فیرتینا نتیجهسینده اوکلاهاما ایالتینده 1 نفر اؤلوب، چوخلو سایدا اینسان یارالانیب.
اوکلاهاما ایالتینین بارنسدال شهرینین اوچده بیری قاسیرغا طرفیندن محو ائدیلیب.
قاسیرغانین شیدتی آرتدیقجا، میللی هاوا خیدمتی اوکلاهاما ایالتینین اوساگه کانتی و واشینگتون کانتی اوچون فؤوقالعاده وضعیت اعلان ائتدی.
بو اراضیلرده قاسیرغالارین داغیدیجی فسادلار تؤرهده بیلهجیی و اینسان حیاتی اوچون جیدی تهلوکه یارادا بیلهجیی بارهده خبردارلیق ائدیلیب.
بورولغالارین الکتریک کابللارینا زیان وورماسی نتیجهسینده بعضی قصبهلرده الکتریک انرژیسی تامامیله کسیلیب.
هاوا خیدمتی، قاسیرغا تخمین مرکزی بؤلگهدهکی ایالتلر اوچون نادیر حاللاردا "یوکسک ریسکلی" شیدتلی توفان تهلوکهسی اعلان ائدیب.
قاسیرغالی کولکلرله موشایعت اولونان توفانین بوتون گئجه داوام ائده بیلهجیی بارهده خبردارلیق ائدیلیب.
آمریکانین مرکزی حیصّهلرینه ان آزی 15 تورنادو تأثیر ائدیب.
هاوا خیدمتینین معلوماتینا گؤره، اوکلاهامادا یئددی، آیووا، کانزاس و گونئی داکوتادا ایکی، نبراسکا و تنسی ایالتلرینده ایسه بیر تورنادو موشاهیده ائدیلیب.
