کنیا حکومتی طریقت قوربانلارینین جسدلرینی عایله‌لرینه وئریر

"آچ قالاراق حضرت عیسی‌یا قوووشاجاقلاری" وعدی ایله آلدادیلان و حیاتینی ایتیره‌ن قوربانلارین جنازه‌سی عائله‌لرینه تحویل وئریلمه‌یه باشلاندی

2120753
کنیا حکومتی طریقت قوربانلارینین جسدلرینی عایله‌لرینه وئریر

 

کنیا حکومتی، "آچ قالاراق حضرت عیسی‌یا قوووشاجاقلاری" وعدی ایله آلدادیلان و حیاتینی ایتیره‌ن قوربانلارین جنازه‌سینی عائله‌لرینه تحویل وئرمه‌یه باشلادی.

حکومت طرفیندن وئریله‌ن آچیقلامادا، مالیندی قصبه‌سینده آجلیق و بوغولما بولقولاری گؤروله‌ن ۴۲۹ قوربانین جنازه‌سینین عائله‌لرینه تسلیم ائدیلمه‌یه باشلاندیغی ایفاده ائدیلدی.

آچیقلامادا، "آجلیق طریقتی" قوربانی ۴۲۹ نفرین کیملیکلرینین دی‌ان‌ای تستی ایله معین ائدیلدیگی ایفاده ائدیلدی.

گوود نیوز اینترنشنیل کلیسه‌سی کشیشی پل ماک‌کنزی حاقیندا، آوریل‌ده، کلیسه‌سینده‌کیلره آچ قالاراق حضرت عیسی‌یا قوووشمالارینی وعد ائد‌رک چوخ ساییدا اینسانین اؤلومونه سبب اولدوغو ادعاسییلا سوروشدورما باشلادیلمیشدی.

کلیسه‌نین اولدوغو سشاکاهولا مئشه‌سیندن چیخاریلان ۴۲۹ جسددن ۲۳۸ینین یئتیشکین و ۱۹۱ینین ده اوشاق اولدوغو تعیین اولونموش، دعویلری آیریلمیشدی.

عملیاتلاردا طریقتین الیندن ۱۰۰ نفر قورتاریلمیش، توپلو اؤلوملرله باغلی، آرالاریندا طریقت لیدئرینین حیات یولداشی ژویس ام‌ویکامبانین دا اولدوغو چوخ ساییدا شخص توتوقلانمیشدی.



ایلگیلی‌لی خبرلر