یونیسف: غزه‌ده بوتون اوشاقلارین روح ساغلاملیق دستیینه احتییاجی وار
بیرلشمیش میللتلر: غزه‌ده 17 مین اوشاغین مشایعت‌سیز قالدیغی و یا عائیله‌لریندن آیری قالدیغی تخمین ائدیلیر
بیرلشمیش میللتلر تشکیلاتینین اوشاق فوندونون (یونیسف) فیلیسطین‌ده‌کی ایلیشکیلر دیرکتورو جاناتان کریکس، غزه‌ده 17 مین اوشاغین مشایعت‌سیز قالدیغی و یا عائیله‌لریندن آیری قالدیغی تخمین ائدیلدییینی بیلدیردی.
بیرلشمیش میللتلر تشکیلاتینین ژنو اوفیسینین هفته‌لیک مطبوعات کنفرانسیندا جاناتان کریکس، ایسرائیلین سیخ هوجوملاری و ایشغالی آلتیندا اولان غزه‌ده اوشاقلارین اوزلشدییی چتینلیکلرله باغلی قییمتلندیرملر ائدیب، "غزه‌ده 17 مین اوشاغین مشایعت‌سیز قالدیغی و یا عائیله‌لریندن آیری قالدیغی تخمین ائدیلیر." دئییب و بیلدیریب کی، بو اوشاقلارین هر بیرینین اورک آغریدان حئکایه‌سی وار.
کئچن هفته غزه‌ده اولدوغونو خاطیرلادان کریکس، عائیله‌لره یئمک، سو و یا سیغیناجاق چاتمادیغی سببییله سیخینتی ایچینده اولدوغونو، عائیله عضولری و اوشاقلارینین احتیاجلارینی قارشیلاماقدا چتینلیک چکدیکلرینی ایفاده ائتدی.
غزه‌ده باش وئرنلرین اوشاقلارین روح ساغلاملیغینین جیددی شکیلده تاثیرلندییینی ایفاده ائدن کریکس، بو دورومون اوشاقلارین هر دفعه بومبا سسینی ائشیدنده هحددیندن آرتیق ناراحاتلیق، ایشتاهسیزلیق، یاتا بیلممه، دویغوسال پارتلاما و یا پانیک یاشاماسینا سبب اولدوغونو وورغولادی.
بیرلشمیش میللتلر رسمیسی "بیز حساب ائدیریک کی، بو گون غزه‌ده هارداسا، بوتون اوشاقلارین روح ساغلاملیق دستیینه احتییاجی وار." دئدی.
