بریکس بلوکو گئنیشله‌ییر
گونئی آفریقا جومهورییتی اولوسلارآراسی ایلیشکیلر و ایش‌بیرلیگی ناظیری؛ مصر، اتیوپی، ایران، سعودی عربیستان و بیرلشمیش عرب امیرلیکلرینین بریکس بلوکونا قوشولدوقلارینی آچیقلاییب
گونئی آفریقا جمهوریتی اولوسلارآراسی ایلیشکیلر و ایش‌بیرلیگی ناظیری نالدی پاندور؛ مصر، اتیوپی، ایران، سعودی عربیستان و بیرلشمیش عرب امیرلیکلرینین کئچن ایل دعوت اولوندوقلاری بریکس بلوکونا قوشولماغا راضیلیق وئردیکلرینی آچیقلاییب.
نالدی پاندور کئچیردیگی مطبوعات کنفرانسیندا بریکس عضولوک پروسسلری حاققیندا بیلگی پایلاشیب.
آگوست آییندا گونئی آفریقا جمهوریتینین ژوهانسبورگ شهرینده کئچیریلن ذیروه توپلانتیسیندا 6 اؤلکه‌نین بریکس بلوکونا دعوت ائدیلدیگینی خاطیرلادان پاندور، بو اؤلکه‌لر آراسیندا مصر، اتیوپی، ایران، سعودی عربیستان و بیرلشمیش عرب امیرلیکلرینین بلوکا عضو اولماغا راضیلیق وئردیگینی بیلدیریب.
پاندور، "ائو صاحیبلیگی ائتدیگیمیز بریکس ذیروه‌سینین ان موهوم نتیجه‌لریندن بیری بلوکون گئنیشلندیریلمه‌سی ایله باغلی قرار اولدو. مصر، اتیوپی، ایران، سعودی عربیستان و بیرلشمیش عرب امیرلیکلرینین بریکسین تام حوقوقلو عضولری اولدوغونو تصدیق ائتدیک" دئدی.
پاندور آرژانتینین بلوکا قوشولماق دعوتینی رد ائتدیگی بارده ده بیلگی پایلاشیب.
2006 ایلینده قورولان بریک (برزیل، روسیه، هیندیستان و چین) 2010 ایلینده گونئی آفریقا جمهوریتینین موراجیعتینی قبول ائدرک بریکس آدینی آلدی.
