صربیستان-دا فیلیسطینه دستک نوماییشی کئچیریلیب

صربیستان-ین پایتاختی بلگراد-دا قاداغان اولونسا دا، تخمینن 200 نفرین ایشتیراکی ایله فیلیسطینه دستک نوماییشی کئچیریلیب.

2075054
صربیستان-دا فیلیسطینه دستک نوماییشی کئچیریلیب

صربیستان-ین پایتاختی بلگراد-دا قاداغان اولونسا دا، تخمینن 200 نفرین ایشتیراکی ایله فیلیسطینه دستک نوماییشی کئچیریلیب.

بلگراد پولیسی تهلوکه‌سیزلیک باخیمیندان بونا ایجازه وئرمه‌سه ده، "فیلیسطین خالقینا دستک – صربیستان"  تشببوسونون عضو‌لری حکومت بیناسی قارشی‌سینا توپلاشیب‌لار.

نوماییشچی‌لر فیلیسطین و صربیستان بایراق‌لارینی قالدیریب و "آزاد فیلیسطین" کیمی شعارلار سسلندیریب‌لر.

فیلیسطینه دستک و دایانیشما نوماییشینده ایشتیراک ائدن‌لر اللرینده "غزه-نی بومبالاماغی دایاندیرین، ایشغا‌لی دایان‌دیرین"، "ایسراییل اوشاق‌لاری اؤلدورور"، "اوشاق‌لاری بومبالاماق اؤزونوساوونما دئییل"، "درحال آتشکس" شعارینین یازیلدیغی پلاکات‌لار قالدیریب‌لار.

بؤیوک بریتانیانین بلگراد-داکی سفیرلیگینه دوغرو یوروش ائدن نوماییشچی‌لر اینگیلتره رهبرلیگی‌نین ایسراییلی دستکلمه‌سینه رئاکسیا وئریب‌لر.

خاطیرلاداق کی، "حماس"ین سلاحلی قانادی عزالدین قسام گردان لاری اوکتبرین 7-ده سحر ساعات‌لاریندا ایسراییله قارشی "القصی طوفانی" آدلی هرطرف‌لی هوجوما کئچیب.

ایسراییل اوردوسو دا بونا جاواب اولا‌راق دؤیوش اوچاق لاری ایله غزه زولاغینا قارشی "دمیر قلینجلار" عملیاتینا باشلادیغینی آچیقلاییب.

گرگین‌لیک سببیندن اکثریتی اوشاق اولماقلا 17 میندن چوخ فیلیسطین‌لی حیاتینی ایتیریب.



ایلگیلی‌لی خبرلر