نجیب میقاتی: "بیز محاربه ایستمیریک"

لوبنان-ین باش ناظیری نجیب میقاتی ایسراییلین اؤلکه‌سی‌نین جنوبونا هوجوم‌لارینا ایشاره ائده‌رک، "بیز محاربه ایستمیریک" دئییب.

باش ناظیر میکاتی "ت.ر.ت عرب" کانالینا وئردیگی آچیقلامادا ایسراییلین غزه زولاغینا هوجوم‌لارا باشلادیغی 7 اوکتبردان سونرا اؤلکه‌سی‌نین جنوبوندا حزب الله ایله ایسراییلین قارشی‌لیق‌لی هوجوم‌لارینی قیمتلندیریب.

لوبنان-ایسراییل سرحدینده سلاح آوادانلیقلاریندان‌ ایستیفاده قایدا‌لاری‌نین دییشمه‌دیگینه، لاکین امین اولا بیله‌جک‌لرینه دایر هئچ بیر اولوسلار آراسی زمانتین اولمادیغینا دقت چکن نجیب میقاتی "بیز محاربه ایستمیریک، باریش ایستییریک، اما هئچ کیمین لوبنان تورپاق‌لارینا حؤرمت‌سیزلیک ائتمه‌سینی ایستمیریک" دئییب.

فیلیسطین-ین حاق ایشینی سونا قدر دستکلدیک‌لرینی، لاکین لوبنانی قان‌لی محاربه‌لردن قوروماغا چالیشدیق‌لارینی ایفاده ائدن نجیب میقاتی بوندان دئییب: " تبعید و تخریب کیمی جینایت‌لر تؤره‌دن، اوشاق‌لاری، قادین‌لاری و قوجا‌لاری اؤلدورن پسیکولوژییه مالیک دوشمن ایسراییله قارشی هانسی ضمانت‌لر وئریله بیلر؟ اصلینده غزه-یه قارشی بو هوجوم‌لارین اولدوغونو گؤره بیلریک. هر گون باش وئریر و اونلارا قارشی هئچ بیر اولوسلار آراسی رئاکسیا یوخ‌دور".

قئید ائدک کی، اوکتبرین 8-دن ایسراییل اوردوسو ایله حزب الله آراسیندا سرحدده باش وئرن قارشیدورما‌لاردا 85 حزب الله عضوو اؤلوب.