ایسراییل غزه-یه 45-جی گونده ده فاصیله‌سیز ضربه‌لر ائندیریب
ایسراییل ساواش اوچاق لاری غزه زولاغینا قارشی هوجوم‌لارین 45-جی گونونده ده شهرین موختلیف یئرلرینی بومبالاماغا داوام ائدیب.
ایسراییل ساواش اوچاق لاری غزه زولاغینا قارشی هوجوم‌لارین 45-جی گونونده ده شهرین موختلیف یئرلرینی بومبالاماغا داوام ائدیب.
فیلیسطین-ین وفا خبر آژانسی‌نین وئردیگی معلوماتا گؤره، غزه-نین گونئی ینده‌کی خان یونیس شهری‌نین قوزئی-باتی سینا ائندیریلن هاوا ضربه لری نتیجه‌سینده اونلارلا اینسان هلاک اولوب.
ایسراییل ساواش اوچاق لاری طرفیندن اونلارلا راکتین آتیلدیغی خان یونیس قصبه‌سی حامد یاشاییش منطقه‌سی اطرافیندا اکثریتی اوشاق و قادین‌لار اولماقلا اونلارلا اینسان حیاتینی ایتیریب، چوخلو سایدا اینسان ایسه یارالانیب.
هاوا ضربه‌لری خان یونیس-ین دوغوسونداکی بنی سهیله قصبه‌سینه ده ائندیریلیب.
ایسراییل توپچولاری غزه شهری‌نین گونئی ینده‌کی زیتون بولگه سینده‌کی آسکولا منطقه‌سینی هدفه آلماسی نتیجه‌سینده اؤلن و یارا‌لانان‌لار اولوب.
شهاب آژانسی‌نین غزه-ده باش وئرن‌لرله باغلی وئردیگی آنلیق معلوماتا گؤره ایسه، ایسراییل دؤیوش اوچاق لاری اندونزیا خسته‌خاناسی‌نین اطرافینی شدت‌لی بومباردمانا معروض قویوب.
هوجوم‌لار نتیجه‌سینده خسته‌خانانین داخیلینده و خاریجینده چوخلو سایدا اینسان یارالانیب.
خسته‌خانا مودیری الجزیره کانالینا وئردیگی آچیقلامادا 140 یاتاقلیق خسته‌خانادا 650 خسته‌نین معالیجه آلدیغینی بیلدیریب.
