آمریکا: پ‌کاکایا قارشی تورکیه‌نین یانینداییق
"پ‌کاکایا قارشی موباریزه‌سینده تورکیه‌نین و تورک خالقینین یانیندا قرارلیلیقلا دوروروق و دورماغا داوام ائدجییک"
آمریکا بیرلشمیش دؤولتلری، بؤلوجو ترور هؤرگوتو پ‌کاکایا قارشی موباریزه‌ده ناتو متفیقی تورکیه و تورک خالقینین یانیندا "قرارلیلیقلا" دورماغا داوام ائد‌جکلرینی بیلدیردی.
آمریکا خاریجی ایشلر باخانلیفی سؤزچوسو متیو میلر، مطبوعات آچیقلاماسیندا، پ‌کاکانین آمریکا طرفیندن خاریجی ترور هؤرگوتو اولاراق تانیندیغینی تکرارلادی.
بیر ژورنالیستین باشکند آنکارادا سیراغا گون میدانا گلن ترور سالدیریسینین آرخاسیندا پ‌کاکا تئررور ترور هؤرگوتونون اولدوغونو خاطیرلاداراق، "تورکیه‌ده اوزون زاماندیر، آمریکانین پ‌کاکایا و سوریه قولو ی‌پ‌گ‌یه وئردیگی دسته‌گه قارشی بیر اؤفکه وار. /.../. آمریکا، ناتو متفیقی تورکیه طرفیندن تروریست قروپ اولاراق تعیین اولونان بیر اولوشوملا ایلیشکیلرینی نئجه داوام ائتدیرمه‌یی پلانلاییر؟" سوالینا میلر،
"پ‌کاکایا قارشی موباریزه‌سینده تورکیه‌نین و تورک خالقینین یانیندا قرارلیلیقلا دوروروق و دورماغا داوام ائدجییک" جاوابینی وئردی.
آمریکانین، تورکیه‌نین باشکندینده‌کی ترور سالدیریسینی "شدتله" قینادیغینی تکرارلایان میلر، یارالیلارا "عاجیل شفالار" دیله‌دی.
