بایدن و مرکزی آسیا اؤلکه‌لری لیدئرلری‌نین گؤروشو باش توتوب
نیویورک-دا بمت عمومی ایجلاسی‌نین 78-جی اوتورومو چیوه‌سینده امریکا و بئش مرکزی آسیا جمهوریتی پرزیدنت‌لری‌نین بیرگه گؤروشو باش توتوب.
نیویورک-دا قازاخیستان، قیرغیزیستان، اؤزبکیستان، تاجیکیستان، تورکمنیستان و امریکا دؤولت باشچی‌لاری‌نین C5+1 فورماتیندا ایلک ذیروه گؤروشو کئچیریلیب.
امریکا پرزیدنتی جو بایدنین ائو صاحیب‌لیگی ائتدیگی ایجلاسدا قازاخیستان پرزیدنتی قاسم جومرت توکایئو، قیرغیزیستان پرزیدنتی سادیر چاپاروو، اؤزبکیستان پرئزیدئنتی شوکت میرضیایئو، تاجیکیستان پرزیدنتی امامعلی رحمانوو و تورکمنیستان پرئزیدئنتی سردار بردی‌محمدوو ایشتیراک ائدیب.
قئید اولونوب کی، 8 ایل اول سمرقند-ده خاریجی ایشلر ناظیرلری سویه‌سینده یارادیلمیش C5+1 فورماتی دؤولت باشچی‌لاری سویه‌سینه قالدیریلیب، مرکزی آسیا اؤلکه‌لری ایله امریکا آراسیندا بوتون ساحه‌لرده.
آچیق و یاپیجی دیالوقون و ثمره‌لی امکداشلیغین اینکیشافی اوچون مهم پلاتفورمایا چئوریلیب.
لیدئرلر مرکزی آسیا اؤلکه‌لری ایله امریکا آراسیندا اقتصادی امکداش‌لیغی، او جمله‌دن تهلوکه‌سیزلیک چاغیریش‌لاری‌نین، سیبر تهلوکه‌سیزلیک، ترور، زوراکی افراط گرایی، غیری-قانونی کوچ و مواد مخدرین قانون‌سوز دؤوریه‌سی‌نین حلینده امکداشلیغین گوجلندیریلمه‌سی ایله باغلی مسئله‌لری موذاکیره ائدیب‌لر.
ایجلاسدا چیخیش ائدن قازاخیستان پرزیدنتی کاسیم جومرت توکایئو آلماتی-ده بیرلشمیش میللت‌لر تشکیلاتی‌نین مرکزی آسیا و افغانیستان-دا بولگه‌سل داواملی اینکیشاف مقصدلری مرکزی‌نین یارادیلماسیندا امریکانین دستکینه ایناندیق‌لارینی بیلدیریب.
اؤزبکیستان پرزیدنتی شوکت میرضیایئو ایسه تیجارت و یاتیریم فعالیتی‌نین گوجلندیریلمه‌سی، لاییحه امکداش‌لیغی‌نین قورولماسی، بولگه‌ده نقلیات دهلیزلری‌نین اینکیشافی، اینسان حاق‌لاری‌نین تامین ائدیلمه‌سی، تحصیل پروقرام‌لاری‌نین یاییلماسی، افغانیستان-داکی وضعیتین باریش یولو ایله حلینه کؤمک کیمی مسئله‌لره دقت چکیب.
قیرغیزیستان پرزیدنتی سادیر چاپاروو ایسه قئید ائدیب کی، ایجلاس قارشی‌لیق‌لی آنلاشما و اعتیمادین محکملندیریلمه‌سی، تهلوکه‌سیزلیگین و ثابیتلیگین تامین ائدیلمه‌سی، تیجارت-اقتصادی امکداشلیغین گئنیشلندیریلمه‌سی اوچون الوئریش‌لی شرایط یاراتماق مقصدی داشیما‌لی‌دیر.
چاپاروو "امریکا ایله امکداش‌لیق، او جمله‌دن C5+1 فورماتی قیرغیزیستانین خاریجی سیاستی‌نین مهم ایستیقامت‌لریندن بیری‌دیر" دئییب.
تاجیکیستان پرزیدنتی امامعلی رحمانوو دا آرتان چاغیریش و تهدیدلر، ترور و افراد گرایی ایله موباریزه، مواد مخدرین قانون‌سوز دؤوریه‌سی، بولگه‌سل تهلوکه‌سیزلیگین تامینی، افغانیستان‌داکی سیاسی وضعیت و تاجیکیستانین افغانیستانلا سرحدی‌نین محافظه‌سی مسئله‌لرینه توخونوب و بو پروسه‌ده اولوسلار آراسی دستکین و امکداشلیغین واجیب‌لیگینی وورغولاییب.
گؤروشون سونوندا مرکزی آسیا اؤلکه‌لری ایله امریکا آراسیندا قارشی‌لیق‌لی آنلامانین درینلشدیریلمه‌سی و یاپیجی طرفداشلیغین گئنیشلندیریلمه‌سی باره‌ده راضی‌لیق الده اولونوب.
دیگر طرف‌دن، امریکا پرزیدنتی جو بایدن بمت-نین نیویورک‌داکی منزیل-قرارگاهیندا C5+1 دیالوق فورماتیندا مرکزی آسیا اؤلکه‌لری‌نین لیدئرلری ایله گؤروشوب.
جو بایدن گؤروش زامانی دئییب: "دوشونورم کی، بو، تاریخی بیر مقام‌دیر. بیز مرکزی آسیا ایله امریکا آراسیندا موناسیبت‌لری اوزون ایللر داوام ائدن سیخ امکداش‌لیق، اگمنلیک، موستقیل‌لیک و اراضی بوتؤو‌لوگو ایله باغلی اورتاق عهده لیگه اساس‌لانان امکداش‌لیق اوزرینده قوروروق".
امریکانین امکداش‌لیغی یئنی ذیروه‌لره قالدیردیغینی قئید ائدن جو بایدن بیلدیریب کی، واشینگتون مرکزی آسیا بولگه سینده تهلوکه سیزلیگین مالیه لشدیریلمه‌سی، ترورلا موباریزه، اقتصادیات، انرژی تهلوکه‌سیزلیگی، تجهیزات زنجیرلری‌نین گوجلندیریلمه‌سی و بیر سیرا باشقا ساحه‌لر اوزره امکداش‌لیغی گوجلندیرمگی هدفلییر. او علاوه ائدیب: "بو گون ثمره‌لی صحبتینیزه گؤره هامینیزا تشککور ائتمک ایستییرم و گله‌جکده داها دا بؤیوک ایشلر گؤرمک اوچون سیزینله بیرلیکده ایشلمیی صبیرسیزلیکله گؤزلییرم".
قئید ائدک کی، ذیروه تاریخده ایلک دفعه C5+1 فورماتیندا یوکسک سویه‌ده کئچیریلن تدبیر اولوب و بمت عمومی ایجلاسی‌نین 78-جی اوتورومو چرچیوه‌سینده باش توتوب.
ایلگیلی‌لی خبرلر
سنگال-دا تورک حکیم‌لردن ایلک پیوند عضو
باتی افریقا-دا ایلک پیوند عضو سنگال-ین پایتاختی داکار-دا تورک حکیم‌لرله بیرگه حیاتا کئچیریلیب.
