آوروپا بیرلیگی-نین نؤوبتی توپلانتی‌سی ایلک دفعه کیئوده کئچیریله‌جک
جوزپ بورل آوروپا بیرلیگینه عضو اؤلکه‌لرین خاریجی ایشلر ناظیرلری‌نین نؤوبتی توپلانتی‌سی‌نین ایلک دفعه اوکراینانین پایتاختی کیئوده کئچیریله‌جگینی آچیقلاییب.
آوروپا بیرلیگی‌نین خاریجی علاقه‌لر و تهلوکه‌سیزلیک سیاستی عالی نوماینده‌سی جوزپ بورل آوروپا بیرلیگینه عضو اؤلکه‌لرین خاریجی ایشلر ناظیرلری‌نین نؤوبتی توپلانتی‌سی‌نین ایلک دفعه اوکراینانین پایتاختی کیئوده کئچیریله‌جگینی آچیقلاییب.
بیرلشمیش میللت‌لر تشکیلاتی‌نین 78-جی عمومی ایجلاسی ایله علاقه‌دار نیویورک-دا آوروپا بیرلیگی اؤلکه‌لری خاریجی ایشلر ناظیرلری‌نین غیری-رسمی گؤروشو کئچیریب.
ییغینجاق‌دان سونرا مطبوعاتا آچیقلاما وئرن جوزب بورل دئییب: "آوروپا بیرلیگی و عضو‌لری‌نین بمت عمومی ایجلاسی چرچیوه‌سینده 133 اؤلکه نوماینده‌سی ایله گؤروشه‌جییک. اساس مؤوضوع لار ایقلیم دییشیک‌لیگی، داوام‌لی اینکیشاف مقصدلری، اولوسلار آراسی مالیه بازاسیندا اصلاحات‌لار و روسیا-اوکراینا محاربه‌سی‌دیر.
بیز باریش فرمولو نامینه مومکون قدر چوخ بمت عضوونون دستکینی تامین ائتمک اوچون اوکراینا ایله چالیشماغی داوام ائتدیرمک ایستییریک. بونا گؤره بوتون طرفداش ناظیرلریمیزله سیخ گؤروش‌لریمیزی سوردورجییک.
توپلانتیدا آوروپا بیرلیگی خاریجی ایشلر ناظیرلری اوکراینایا وئریله‌جک تهلوکه‌سیزلیک عهده لیک‌لرینی موذاکیره ائتدی. اؤنوموزدکی هفته‌لرده خاریجی ایشلر ناظیرلری‌نین گؤروشونون ایلک دفعه کیئوده کئچیریله‌جگی قرارینا گلدیرک".
