آلمانیا و امریکا-دا ایش سیزلیک رکورد حده چاتیب

جولای آییندا اقتصادی امکداش‌لیق و اینکیشاف تشکیلاتی (OECD) اؤلکه‌لرینده ایشسیزلیک ژوئن آیینداکی 4.7 فایزدن 4،8 فایزه یوکسلیب. بو، گؤستریجی‌نین حسابلانماسی تاریخینده رکورد آشاغی سویه‌دیر.

تشکیلاتین یایدیغی معلوماتا گؤره، ایشسیزلیک آردیجیل اون اوچونجو آیدیر 5 فایزدن آشاغی‌دیر.

دانیمارکا، لیتوانیا و اتریش ده داخیل اولماقلا، اقتصادی امکداش‌لیق و اینکیشاف تشکیلاتی-نین 15 اؤلکه‌سینده ایشسیزلیک جولای آییندا آرتیب. دوققوز اؤلکه‌ده دییشمه‌ییب، دیگر دوققوز اؤلکه‌ده ایسه آزالیب. آلمانیا و امریکا-دا داخیل اولماقلا، بئش اؤلکه‌ده ایشسیزلیک رکورد حده و یا اونا یاخیندیر.

اقتصادی امکداش‌لیق و اینکیشاف تشکیلاتی اؤلکه‌لرینده ایشسیزلرین سایی جولای دا 32،942 میلیون نفره یوکسلیب، اوولکی آیدا بو گؤستریجی 32،658 میلیون نفر اولوب. گؤستریجی اؤتن ایلین جولای دا قئیده آلینمیش رکورد آشاغی سویه‌یه یاخین اولا‌راق قالیر.

قادین‌لار آراسیندا ایشسیزلیک ژوئن ده 4،9 فایزدن 5 فایزه یوکسلیب، کیشی‌لر آراسیندا ایشسیزلیک ایسه 4،6 فایزده قالیب. گنج‌لر آراسیندا (15-24 یاش آراسی) نیسبت 10،3 فایزدن 10،5 فایزی یوکسلیب.