سوئددن قرآنین یاندیریلماسی ایله باغلی آچیقلاما
"سوئد حکومتی، اؤلکه‌ده‌کی گؤستریلرده فردلرین ایسلاموفوبیک حرکتلرینین، مسلمانلار اوچون اینجیدیجی اولابیله‌جگینی آنلاییر"
سوئد خاریجی ایشلر باخانلیغی، اؤلکه‌نین باشکندی استکهلم‌دا، قوربان بایرامینین ایلک گونو بیر مسجیدین قارشیسین‌دا قرآن کریمین یاندیریلماسینی قینایاراق، عیرقچیلیق، خاریجی دوشمنلیگی و خوش‌گؤروشسوزلوگون اؤلکه‌ده یئرینین اولمادیغینی ایفاده ائتدی.
(دونن) ایسلام امکداشلیق تشکیلاتینین، قرآن کریمه و حضرت محمده قارشی تکرارلانان حؤرمت‌سیزلیکلره قارشی "توپلو تدبیرلر" آلینماسی چاغریسی ائتمه‌سینین آردین‌دان، سوئد خاریجی ایشلر باخانلیغی، یازیلی آچیقلاما وئردی.
آچیقلامادا،
"سوئد حکومتی، اؤلکه‌ده‌کی گؤستریلرده فردلرین ایسلاموفوبیک حرکتلرینین، مسلمانلار اوچون اینجیدیجی اولابیله‌جگینی آنلاییر. سوئد حکومتینین فیکیرلرینی هئچ بیر شکیل‌ده عکس ائتدیرمه‌یه‌ن بو حرکتلری شدتله قیناییریق" ایفاده‌سینه یئر وئریلدی.
قرآن کریم و دیگر مقدس کیتابلارین یاندیریلماسینین "آچیقجا تخریبات" اولاراق تانیملاندیغی آچیقلامادا،
"عیرقچیلیق، خاریجی دوشمنلیگی و بونلارلا باغلی خوشگؤروشسوزلوکلرین سوئد‌ده و یا آوروپادا هئچ بیر یئری یوخدور" فیکیری پایلاشیلدی.
اؤته یاندان، سوئد‌ده قرآن کریمین یاندیریلماسینا، اینگیلتره‌نین باشکندی لندن‌ده اعتراض ائدیلدی.
اعتراضچیلار، گؤستریلرده "اؤزگورلوگون بیر سرحدی وار" یازیلی پلاکاردلار داشیدی.
سعودی عربیستان دا سوئدین ریاض ائلچیسینی خاریجی ایشلر باخانلیغینا چاغیردی.
سعودی عربیستان خاریجی ایشلر باخانلیغیندان وئریله‌ن یازیلی آچیقلامادا،
"سعودی عربیستان بو اوتانج وئریجی حرکتی کسین اولاراق رد ائدیر" ایفاده‌سینه یئر وئریلدی.
آچیقلامادا، سوئد حکومتین‌دن "خالقلار و دؤلتلر آراسیندا اولماسی لازیم اولان سایغینی بالتالایان، خوشگؤرو و اعتیدال کیمی دگرلرله ضدیت تشکیل ائد‌ن حرکتلرین دوردورولماسی" طلب ائدیلدی.
سوئدین باشکندی استکهلم‌دا، عراق اصللی سلوان مومیکا، ۲۸ ژوئنده استکهلم مسجیدی قارشیسین‌دا پلیس قوروماسی آلتیندا قرآن کریم یاندیرمیشدی.
تخریبات، تورکیه باش‌دا اولماق اوزره اولوسلارآراسی ساحه‌ده تپکی ایله قارشیلانمیشدی.
