والری گراسیموو و لیو جینلی آراسیندا گؤروش اولوب

روسیا سلاحلی قوه‌لری‌نین باش قرارگاه رئیسی والری گراسیموو و چین سلاحلی قوه‌لری‌نین باش قرارگاه رئیسی لیو جینلی ایله گؤروشوب.

روسیا ساوونما ناظیرلیگیندن وئریلن معلوماتا گؤره، والری گراسیموو ویدئوکنفرانس واسیطه‌سیله باش توتان گؤروشده چین-‌لی همکاری لیو جینلی یئنی وظیفه‌سی موناسیبتیله تبریک ائدیب و ایکی اؤلکه آراسیندا حربی امکداشلیغین داها دا گئنیشله‌نه‌جگینه اومید ائتدیگینی بیلدیریب.

چین-ین دؤولت باشچی‌سی شی جین پینگ-ین وظیفه‌یه یئنی‌دن گلدیکدن سونرا ایلک خاریجی سفرینی روسیایا ائتدیگینی و پرزیدنت ولادیمیر پوتینله گؤروشدوگونو خاطیرلا‌دان گراسیموو ایکی لیدرین گؤروشونون روسیا-چین هرطرف‌لی طرفداش‌لیق و ایستراتژی امکداشلیغین ان یوکسک سویه‌ده اولدوغونو گؤستردیگینی وورغولاییب.

روسیا سلاحلی قوه‌لری‌نین باش قرارگاه رئیسی والری گراسیموو دئییب:

"دونیادا باش وئرن حادثه‌لر فونوندا قبول ائدیلن قرارلار دؤولت باشچی‌لاریمیزین بیرگه بیاناتیندا قئید اولونان میللی اینکیشاف و تهلوکه‌سیزلیک ساحه‌سینده اوزونمودتلی هدف‌لری، او جمله‌دن حربی امکداشلیغین درینلشدیریلمه‌سی مسئله‌لرینی فورمالاشدیریر. روسیا و چین-ین اولوسلار آراسی آرئنادا گؤستردیگی سعی‌لر دونیاکی وضعیته ثابیتلشدیریجی تأثیر گؤستریر".