نتانیاهو ایله بلینکن آراسیندا تلفون دانیشیغی اولوب

ایسراییل-ین باش ناظیری بنیامین نتانیاهو امریکانین خاریجی ایشلر ناظیری آنتونی بلینکن ایله تلفون دانیشیغی آپاریب.

امریکا خاریجی ایشلر ناظیرلیگی‌نین سؤزچوسو متیو میلر طرفیندن وئریلن یازیلی آچیقلامادا ایکی طرف‌لی گؤروشده اورتاق ماراق‌لارین موذاکیره ائدیلدیگی بیلدیریلیب.

آچیقلامادا "خاریجی ایشلر ناظیری و باش ناظیر بولگه اؤلکه‌لری ایله قارشی‌لیق‌لی ماراق دوغوران ساحه‌لری، او جمله‌دن نورماللاشما یولو ایله ایسراییلین اورتا دوغو انتگراسیونونون گئنیشلندیریلمه‌سی و درینلشدیریلمه‌سینی موذاکیره ائدیب‌لر" دئییلیب.

آچیقلامادا بلینکن بیلدیریب کی، عقبه و شرم الشیخ-ده کئچیریلن بولگه سل گؤروش‌لرده ایکی دؤولت‌لی حل اومیدلرینی سارسی‌دان تدبیرلردن قاچماق اوچون گؤتورولن عهده لیکلر یئرینه یئتیریلمه‌لی‌دیر. آیریجا ایرانین اورتایا قویدوغو تهدیدلر ایله امریکانین ایسراییل-ین تهلوکه‌سیزلیگینه اولان ماراغی موذاکیره اولونوب.