زلنسکی، علییئو و مکرونلا گؤروشدو

اوکراینا دؤولت باشقانی ولودیمیر زلنسکی، آوروپا سیاسی بیرلیگی ذیروه‌سی اوچون گئتدیگی مولداوی‌ده آذربایجان جمهورباشقانی ایلهام علییئو و فرانسا جمهورباشقانی امانوئل مکرون ایله آیری آیری گؤروشدو.
آذربایجان جمهورباشقانلیغیندان وئریلن آچیقلامایا گؤره علییئو-زلنسکی گؤروشمه‌سین‌ده، آذربایجان ایله اوکراینا آراسینداکی ایلیشکیلر قونوسوندا فیکیر آلیش وئریشی ائتدی.
ایکیلی ایلیشکیلرین گلیشمه‌سیندن دویولان ممنونلوغون دیله گتیریلدیگی گؤروشمه‌ده علییئو، اوکراینایا یئنی آتادیقلاری ائلچینین یاخیندا وظیفه‌یه باشلایاجاغینی بیلدیردی.
زلنسکی ایسه آذربایجانین اوکراینایا ائتدیگی اینسانی کؤمکلر سببی ایله علییئوه تشکر ائتدی.
گؤروشمه‌ده، آذربایجان و اوکراینانین اولوسلارآراسی قورولوشلار چرچیوه‌سینده بیر بیرلرینین تورپاق بوتونلوگو و اگمنلیگینی دستکله‌مه‌لری ممنونیتله قید ائدیلدی.
زلنسکی، فرانسا جمهورباشقانی مکرون ایله ده بیر آرایا گلدی.
مکرون، گؤروشمه‌ده، زلنسکی ایله ۱۴ می‌ده پاریس‌ده واردیقلاری آنلاشمانی یئنی‌دن ماسایا یاتیرتدیقلارینی، بو آنلاشما چرچیوه‌سین‌ده فرانسانین هاوا ساوونما تجهیزاتی ایله اوکراینا خالقینی روس سالدیریلارینا قارشی قوروماغی آماجلادیغینی ایفاده ائتدی.
مکرون، اوکراینا هاوا گوجلرینین احتیاجی ایستیقامتینده اوکراینالی ساواش پیلوتلارینین تعلیمینه باشلانماسی اوچون لازیم‌ اولام چرچیوه‌نین اولوشدورولماسی حاضرلیقلارینی اله آلدیقلارینی ایفاده ائتدی.