یورددیشیندا سئچیم سونراسی سئوینج گؤستریلری
یوزلرجه آذربایجانلی و بو اؤلکهده یاشایان تورکیه وطنداشلاری، تورکیهنین باکی ائلچیلیگی یاخینلارینداکی پارکدا توپلاناراق سئچیم باشاریسی سببی ایله اردوغانی قوتلادی
خاریجده یاشایان تورکلر، جمهورباشقانی رجب طیب اردوغانین رسمی اولمایان نتیجهلره گؤره جمهورباشقانی سئچیمی ایکینجی دؤورونده سئچیم باشاریسی سببی ایله قوتلامالار تشکیل ائتمهیه باشلادی.
بلژیکین باشکندی بروکسلده شاربیک سمتینده جادهلره چیخان چوخ ساییدا تورک وطنداشی، تورک بایراقلاری آچاراق اردوغانی دستکلهیهن شعارلار وئردی.
یوزلرجه آذربایجانلی و بو اؤلکهده یاشایان تورکیه وطنداشلاری، تورکیهنین باکی ائلچیلیگی یاخینلارینداکی پارکدا توپلاناراق سئچیم باشاریسی سببی ایله اردوغانی قوتلادی.
لبنانین باشکندی بیروتداکی ایکی آیری ققوتلاما "طارق الجدید" بؤلگهسی و فیلیسطین سیغینماچی دوشرگهسی بورج البراجنهده گئرچکلشدی. طارق الجدیدده بیر آرایا گلن یوزلرجه اینسان، تورک بایراقلارییلا قوتلاما گئرچکلشدیردی.
جمهورباشقانی اردوغانین جمهورباشقانی سئچیمینین ایکینجی دؤورونده الده ائتدیگی باشاری، سوئدین باشکندی استکهلمدا دا جوشغویلا قوتلاندی.
آلمانیادا یاشایان تورک وطنداشلاری ایسه، برلینین کروزبرگ سمتی و کورفورستندام جادهسینده توپلاناراق سئچیم باشاریسی سببی ایله جمهورباشقانی اردوغانی قوتلادی.
قطرین سمبول یاپیلاریندان الجابر بورجلاری، تورکیهدهکی جمهورباشقانلیغی سئچیمینین ایکینجی دؤوروندهکی سئچیم باشاریسیندن اؤترو رجب طیب اردوغانین شکلی و تورک بایراغییلا ایشیقلاندیریلدی.
هلندین روتردام شهریندهکی هوفپلین میدانیندا توپلانان چوخ ساییدا تورک وطنداشی، تورک بایراقلاری آچاراق اردوغانی دستکلهیهن شعارلار سسلندیردی.
سوئیسین زوریخ شهریندهکی چوخ ساییدا تورک وطنداشی اللریندهکی تورک بایراقلارییلا اردوغانا دستک شعارلاری وئردی.
قوزئی قیبریس تورک جمهوریتینده باشکند لئفکوشادا تورک بایراقلاری و جمهورباشقانی رجب طیب اردوغانین پوسترلری ایله ماشین کروانلاری اولوشدوراراق شهر تورو آتیلدی.
آمریکا بیرلشمیش دؤولتلری، ایتالیا، فرانسا، اینگیلتره، اتریش، بوسنی و هرزگووین، صربیستان، کوزووو، قاراداغ، قوزئی مقدونیه، آلبانی، پاکیستان، فیلیسطین و الجزایرده ده جمهورباشقانی اردوغانین یئنیدن سئچیلمهسی قوتلاندی.
ایلگیلیلی خبرلر
اونروا غزه زولاغینین قوزئیینه اینسانی یاردیم گؤتوروب
اونروا آتیشکسین غزه خالقینین حیاتینی خیلاص ائتمک اوچون یگانه اومید اولدوغونو وورغولاییب