صربیستان امریکا و آذربایجان ایله موناسیبت‌لری داها دا اینکیشاف ائتدیرمه‌یه حاضیردیر
صربیستان پرزیدنتی الکساندر ووچیچ اؤلکه‌سی‌نین هم امریکا، هم ده آذربایجان ایله موناسیبت‌لری داها دا اینکیشاف ائتدیرمه‌یه حاضیر اولدوغونو بیلدیریب.
صربیستان پرزیدنتی الکساندر ووچیچ اؤلکه‌سی‌نین هم امریکا، هم ده آذربایجان ایله موناسیبت‌لری داها دا اینکیشاف ائتدیرمه‌یه حاضیر اولدوغونو بیلدیریب.
ووچیچ پایتاخت بلگراد-دا اولجه امریکا سناتورلاری کریس مورفی و گری پیترز ، داها سونرا ایسه آذربایجان میللی مجلیسی‌نین صدری صاحبه غافارووانی قبول ائدیب.
گؤروش‌لردن سونرا سوسیال مئدیا حسابیندان پای‌لاشیم ائدن ووچیچ امریکا سناتورلارینا کوزوو ایله دیالوقا وئردیک‌لری دسته‌یه گؤره تشککور ائده‌رک، "صربیستان بلدیه‌لر بیرلیگی‌نین یارادیلماسی‌نین اونجه لیک اولدوغونو چاتدیردیم" دئییب.
امریکا ایله علاقه‌لرین داها دا اینکیشاف ائتدیریلمه‌سی اوچون نه لرین گؤروله بیله‌جگینی موذاکیره ائتدیک‌لرینی دئین ووچیچ اؤلکه‌سی‌نین بو ایستیقامتده ایستک‌لی اولدوغونو قئید ائدیب.
ووچیچ غافارووا ایله ایکی طرف‌لی علاقه‌لری موذاکیره ائتدیک‌لرینی، اقتصادیات و دیگر ساحه‌لرده فایدا‌لی اولا بیله‌جک وضعیت لری دیرلندیردیک‌لرینی آچیقلاییب.
آذربایجانلا دا موناسیبت‌لری ده اینکیشاف ائتدیرمک ایسته‌دیک‌لرینی وورغولایان ووچیچ بونون ایکی اؤلکه وطنداش‌لاری‌نین دا ماراغیندا اولاجاغینی وورغولاییب.
قئید ائدک کی، صربیستان 2008-جی ایلده بیرطرف‌لی قایدادا موستقیل‌لیگینی اعلان ائدن کوزوونو اؤز اراضی‌سی حساب ائدیر.
کوزوو-دا داها چوخ صرب‌لرین یاشادیغی بلدیه‌لرده صرب بلدیه‌لر بیرلیگی‌نین یارادیلماسی ایله باغلی سازیش 2013-جو ایلده آوروپا بیرلیگی-نین آرابولوجولوغو ایله کوزوو ایله صربیستان آراسیندا ایمضالانیب، لاکین حیاتا کئچیریله بیلمه‌ییب.
می‌ین 2-ده بروکسل-ده سونونجو دفعه گؤروشن صربیستان و کوزوو لیدرلری صرب بلدیه‌لر بیرلیگی ایله باغلی راضیلیغا گله بیلمه‌دیک‌لرینی آچیقلاییب‌لار.
