چکیا و ایتالیا نفت کمری‌نین گئنیشلندیریلمه‌سی ایله باغلی راضیلیغا گلیب

چکیانین "مرو" نفت شیرکتی و ایتالیانین تال کنسرنی  ترانس-آلپ نفت کمری‌نین گئنیشلندیریلمه‌سینه دایر سازیش ایمضالاییب‌لار. 2025-جی ایلدن بو نفت کمری روسیانین "دروژبا" کمری‌نین عوضینه ایستیفاده ائدیله‌جک.

بو باره‌ده چکیانین باش ناظیری پتر فیالا توییتر صحیفه‌سینده معلومات وئریب.

"تال نفت کمری‌نین اؤتورمه قابیلیتی‌نین آرتیریلماسی 2025-جی ایلدن اعتبارلی تجهیزاتچی‌لاردان چکیایا نفت تداروکونون حجمینی ایلده 4 میلیون تون آرتیرماغا ایمکان وئره‌جک کی، بو دا بیزیم طلباتیمیزی تام اؤده‌یه‌جک"، - پتر فیالا بیلدیریب. اونون سؤزلرینه گؤره، بونون کمکی ایله چکیا روسیا نفتیندن آسیلی‌لیق‌دان خلاص اولا‌جاق.

چکیا اینفورماسیون آژانسی‌نین معلوماتینا گؤره، بو کمرله تداروک‌لرین حجمی ایلده 8 میلیون تون تشکیل ائده‌جک. آنلاشما چکیایا 1،6 میلیارد کرونا باشا گلیب. خرج‌لری چکیانین "مرو" شیرکتی قارشیلایا‌جاق.