امریکا روسیا‌لی هکر اوچون 10 میلیون دو‌لار موکافات اعلان ائتدی
امریکا روسیا وطنداشی میخائیل پاولوویچ ماتویئوین توتولماسی اوچون معلومات وئرن‌لره 10 میلیون دو‌لارا قدر موکافات وئریله‌جگینی اعلان ائتدی.
امریکا خاریجی ایشلر ناظیرلیگی اؤلکه‌ده ناظیرلیکلر، شیرکت‌لر و مهم آلت یاپی ساحه‌لرینی هدف آلان بیر چوخ هکرلیک فعالیتینده رول اوینادیغی سببیله روسیا وطنداشی میخائیل پاولوویچ ماتویئوین توتولماسی اوچون معلومات وئرن‌لره 10 میلیون دو‌لارا قدر موکافات وئریله‌جگینی اعلان ائتدی.
سؤزوگئدن مؤوضوع ایله باغلی امریکا خاریجی ایشلر ناظیرلیگی‌نین سؤزچوسو مت میلر یازیلی آچیقلاما وئره‌رک بیلدیریب: "روسیا سیبر جینایتکارلار اوچون تهلوکه‌سیز سیغینا‌جاق‌دیر و ضررلی پروقرامچی‌لاری امریکا، اونون طرفداش‌لاری و متفیق‌لرینه قارشی سربست شکیلده سیبر عملیات‌لار آپاریر.
امریکا خاریجی ایشلرناظیرلیگی‌نین اولوسلار آراسی متشکیل جینایتکارلیقلا موباریزه عذره موکافات پروقرامی چرچیوه‌سینده روسیا وطنداشی میخائیل پاولوویچ ماتویئوین اولوسلار آراسی متشکیل جینایتکارلیقلا علاقه‌دار ساخلانیلماسی و محکوم ائدیلمه‌سی اوچون معلومات وئرن‌لرلره 10 میلیون دو‌لارا قدر موکافات تکلیف ائدیلیر.
عدالت عدلیه ناظیرلیگی‌نین واشینقتون و نیو جرسی ایالت لرینده ایکی محکمه‌ده میخائیل پاولوویچ ماتویئوه قارشی ادعا قالدیریلیب. روسیا‌لی هکر امریکا مالیه ناظیرلیگی طرفیندن تحریم سیاهی‌سینا سالینیب”.
ایلگیلی‌لی خبرلر
مکزیک‌ده هلیکوپتر دوشمه‌سی نتیجه‌سینده 3 نفر اؤلوب
هلیکوپتر پایتخت مکزیکو شهرینین کویواکان بؤلگه‌سینده قضایا اوغرایاراق آلوولانیب
