رواندا-دا سئل و تورپاق سوروشمه‌سی، 129 نفر اؤلوب

رواندا-دا چرشنبه آخشامیندان بری داوام ائدن لئیسان یاغیش‌لارین سبب اولدوغو سئل و تورپاق سوروشمه‌لری نتیجه‌سینده 129 نفر حیاتینی ایتیریب.

بو باره‌ده رواندا فوق العاده حال‌لارین ایداره ائدیلمه‌سی اوزره ناظیر ماری سولانژ کیسیایر معلومات یاییب.

بیلدیریلیر کی، اؤلکه‌نین باتی و قوزیی ایالت‌لرینده لئیسان یاغیش‌لار نتیجه‌سینده تورپاق سوروشمه‌سی و داشقین‌لاردا 129 نفر حیاتینی ایتیریب. آختاریش- قورتارما ایشلری‌نین داوام ائتدیگی فلاکت بؤلگه‌سینده بیر چوخ ائو یارارسیز حالا دوشوب. اکین ساحه‌لرینه زیان دییب.

حیاتینی ایتیرن‌لردن بعضی‌لری‌نین ائولرینده قاپا‌لی قالدیق‌لارینی دئین ناظیر ماری سولانژ کیسیایر ، فلاکت‌دن ان چوخ ضرر چکمیش بؤلگه‌لرین نگوروررو، روباوو، نیابیهو، روتسیرو و کارونگی اولدوغونو سادالاییب و بو اراضی‌لره چادیر باشدا اولماقلا عاجیل یاردیم ماتئریال‌لارین چاتدیریلماغا باشلاندیغینی قئید ائدیب.