"ساواشدا ۲۰ میندن چوخ روس عسگری اؤلدو"

کربی: ییغدیغیمیز استخبارات و بیلگیلره گؤره روسلارین دسامبر آییندان بو یانا ۱۰۰ مین ایتکی وئردیگینی تخمین ائدیریک

1981581
"ساواشدا ۲۰ میندن چوخ روس عسگری اؤلدو"

دسامبر آییندان بو یانا اوکراینا ایله ساواشدا ۲۰ میندن چوخ روس عسگرینین اؤلدوگو ادعا ائدیلدی.
آمریکا بیرلشمیش دؤولتلری آغ ائو میللی گوونلیک شوراسی استراتژیک ارتباط مسئولو جان کربی، گونلوک مطبوعات کنفرانسیندا "ییغدیغیمیز استخبارات و بیلگیلره گؤره روسلارین دسامبر آییندان بو یانا ۱۰۰ مین ایتکی وئردیگینی تخمین ائدیریک" دئیه‌رک بو رقمین ۸۰ مینینین یارالی و ۲۰ مینینین جان ایتکیسی اولدوغونو ادعا ائتدی.
کربی، ۲۰ مین ایتکین وئره‌ن روس بیرلیکلرینین تخمیناً یاریسینین روسیانین هر بیر طرفینده‌کی حبس‌خانالاردان توپلانان اسکی سوچلولار اولان پوللو واگنر ساواشچیلاری اولدوغونو سؤیله‌دی.
روسلارین بیر آیدیر دونباس بؤلگه‌سینده‌کی سالدیری گیریشیمینین "بؤیوک اؤلچوده باشاریسیز اولدوغونو" ایفاده ائد‌ن کربی، روسیانین ایتکیلری حاقینداکی بیلگینین آمریکا استخباراتینا عاید اولدوغونو ایفاده ائدرکن اوکراینا طرفینین ایتکیلری حاقیندا دانیشمادی.
کربی، اوکراینانین ایسه ساوونما‌سینین هله تأثیرلی اولدوغو و "روسیانی مارژینال قازاناملار اوچون بؤیوک قایناقلار خرجله‌مه‌یه مجبور ائتدیگی" دگرلندیرمه‌سینی وئردی.



ایلگیلی‌لی خبرلر