فرانسادا یانا‌جاق چاتیشمازلیغی

فرانسادا پالایشگاه ایشچی‌لری‌نین اعتصابی سببیله پایتاخت پاریس-ین ده داخیل اولدوغو  ایل دو فرانس بؤلگه‌سینده‌کی یاناجاق دولدورما منطقه‌لری‌نین 40 فایزینده بنزین چاتیشمازلیغی یاشاندیغی بیلدیریلیب.

لوفیگارو قزئتی‌نین خبرینه گؤره، اؤلکه‌ده امکلیلیک یاشی‌نین 62-دن 64-ا قالدیریلماسینی نظرده توتان موباحیثه‌لی  اصلاحات سببیله بیر چوخ پالایشگاه-دا باشلایان اعتصاب لار داوام ائدیر.

اؤلکه داخیلینده 200-ا یاخین یاناجاق دولدورما منطقه‌سینده اعتصاب داوام ائدرکن، بعضی یاناجاق دولدورما منطقه‌لری‌نین قارشی‌سیندا اوزون اتومبیل صف لری یارانیب.

نفت اعمالی زاوودلاری (پالایشگاه) تولید ائتمه‌دیگینه گؤره، پاریس و اطرافینداکی یاناجاق دولدورما منطقه‌لری‌نین 40%-ده بنزین چاتیشمازلیغی یاشانیر.