ترامپ شکایتی ایله باغلی تهدیدلرده آرتیش
ان‌بی‌سی نیوز، قاضی و نیویورک باش ساوچیسی داخیل بیر چوخ آدلا ایلیلی ایمیل و مکتوب یولویلا گلن تهدیدلرده بؤیوک آرتیش گؤرولدوونو یازدی
آمریکا بیرلشمیش دؤولتلری تاریخین‌ده ایلک دفعه اسکی بیر باشقانینین قاضی قارشیسینا چیخماسینین یانقیلاری داوام ائدیر.
اسکی باشقان دونالد ترامپلا باغلی ایلک محکمه گئریده قالسا دا، باشدا شکایتده وظیفه‌لی قاضی و عائله‌سی اولماق اوزره بیر چوخ اینسان اوچون گوونلیک قایغیلاری وار.
اؤلکه‌نین اؤنده گلن یایین اورگانلارین‌دان ان‌بی‌سی نیوز، قاضی و نیویورک باش ساوچیسی داخیل بیر چوخ آدلا ایلیلی ایمیل و مکتوب یولویلا گلن تهدیدلرده بؤیوک آرتیش گؤرولدوونو یازدی.
یالنیز اوست سویه شخصلر دئییل، بوتون محکمه چالیشانلاری اوچون گوونلیک تدبیرلری آرتیریلدی.
منهتن بؤلگه ساوچیلیغی اوفیسینده‌کی چالیشانلارین بیوگرافیلری ده تدبیر آماجلی سیستمدن قالدیریلدی.
اؤته یان‌دان آمریکانین ایکی قونشوسوندان بیری اولان مکزیکدن ترامپا دستک گلدی.
دؤولت باشقانی آندرس اوبرادور، آمریکا‌دا گله‌جک ایل ائدیله‌جک سئچیملره ایشاره ائتدی، "قانونی مسئله‌لر سیاست اوچون ایستیفاده ائدیلمه‌مه‌لی" دئدی.
اوبرادور، ترامپا ائدیله‌ن سوچلامالارین قارالاما کمپینینه چئوریلدیگینی ده وورغولادی.
آغ ائو سؤزچوسو کرین ژان پیر، اسکی آمریکا باشقانی ترامپین سوچلانماسی حاقین‌دا دانیشماقدان قاچینارکن، آمریکا یارغی سیستمینه و یارغی مقالارینا یؤنه‌لدیله‌ن هر جور سالدیرینی قینادیقلارینی بیلدیردی.
