ناتو-یا عضو اؤلکه‌لرین خاریجی ایشلر ناطیرلری توپلانیب

ناتو-یا عضو اؤلکه‌لرین خاریجی ایشلر ناظیرلری اوکراینایا یاردیمین داوام ائتدیریلمه‌سی، آسیا-ساکیت اوقیانوس بولگه سینده وضعیت و ساوونما خرج‌لری کیمی مسئله‌لری موذاکیره ائتمک اوچون بیر آرایا گلیب‌لر.

ناتو-نون بلژیک-ین پایتاختی بروکسل-ده‌کی منزیل-قرارگاهیندا کئچیریلن ناتو خاریجی ایشلر ناظیرلری توپلانتسی‌نین ایکینجی گونونده سوئد ده قوناق اؤلکه بولومونده ایشتیراک ائدیر.

قوزیی آتلانتیک شوراسی‌نین ایجلاسی‌نین آچیلیشیندا چیخیش ائدن باش کاتیب ینس استولتنبرگ روسیانین داها چوخ محاربه‌یه حاضیرلاشدیغینی و اوکراینایا دؤیوش میدانیندا احتیاج دویدوغو هر شئیین وئریلمه‌سی‌نین واجیب‌لیگینی وورغولاییب.

ینس استولتنبرگ همچنین بیلدیریب کی، ناتو روسیانین تضییق‌لرینه قارشی دیگر طرفداش‌لاری اولان مولدووا، گورجوستان و بوسنیا و هرزگوینانی دستکلمه‌یه داوام ائده‌جک.

ناتو-یا عضو اؤلکه‌لرین خاریجی ایشلر ناظیرلری آسیا-ساکیت اوقیانوس-داکی وضعیتی موذاکیره ائتمک اوچون بو گون آوسترالیا، یئنی زلاندیا، ژاپونیا و گونئی کره-نین خاریجی ایشلر ناظیرلری ایله ده گؤروشه‌جک‌لر.