آمریکادا بیر اوخولدا سلاحلی سالدیری
آمریکا باشقانی جو بایدن، سالدیرینین آردیندان، سلاحلانما ایله باغلی داها مؤحکه‌م دوزنله‌مه‌لر گتیره‌ن قانونلارین چیخاریلماسی اوچون کنگره‌نی حرکته گئچمه‌یه چاغیردی
آمریکا بیرلشمیش دؤولتلرینین تنسی ایالتین‌ده کیلسه‌یه عاید بیر اوخولا تشکیل ائدیله‌ن سلاحلی سالدیریدا اوچو اوشاق ۶ نفر حیاتینی ایتیردی.
پلیس، سالدیرقانی ووراراق ائتکیسیز حالا گتیردی.
مترو نشویل پلیس اداره‌سی، اوزرین‌ده ۲ سلاح و بیر تاپانچا اولان سالدیرقانین، اؤزونون ده عینی اوخولدان ماذون اولان ۲۸ یاشینداکی آودرئی الیزابت هالی آدلی بیر قادین اولدوغو معلوماتینی پایلاشدی.
آمریکا باشقانی جو بایدن، سالدیرینین آردیندان، سلاحلانما ایله باغلی داها مؤحکه‌م دوزنله‌مه‌لر گتیره‌ن قانونلارین چیخاریلماسی اوچون کنگره‌نی حرکته گئچمه‌یه چاغیردی.
بایدن، آیریجا اؤلکه‌ده آغ ائو داخیل بوتون دؤولت بینالارین‌دا، عسگری گارنیزونلاردا و دونانما گمیلرین‌ده بایراقلارین ۳۱ مارس گون باتیمینا قدر یارییا ائندیریلمه‌سی تاپشیریغینی وئردی.
بونا گؤره، آمریکانین بوتون ائلچیلیکلری و کونسوللوق اوفیسلری، عسگری مرکزلر و دونانمادا یوردایچی و یورددیشینداکی مرکزلرین‌ده ده عینی تاریخه قدر بایراقلار یارییا ائندیریله‌جک.
