آنتونیو گوترش دونیا متورولوژی گونو موناسیبتیله بیانات یاییب
بیرلشمیش میللت‌لر تشکیلاتی‌نین (بمت) باش کاتیبی آنتونیو گوترش ایقلیم دییشیک‌لیگی‌نین دونیانی یاشانماز حالا گتیردیگینی بیلدیریب.
بیرلشمیش میللت‌لر تشکیلاتی‌نین (بمت) باش کاتیبی آنتونیو گوترش ایقلیم دییشیک‌لیگی‌نین دونیانی یاشانماز حالا گتیردیگینی بیلدیریب.
آنتونیو گوترش دونیا متورولوژی گونو موناسیبتیله یازیلی آچیقلاما وئریب.
قلوبال ایستی‌لشمنی 1،5 درجه‌نین آلتیندا توتابیلمه‌مه‌نین دونیانی “ایقلیم فلاکتینه” یاخینلاشدیردیغینی دئین آنتونیو گوترش هر کسین گله‌جک نسیل‌لر قارشیسیندا اوزرینه دوشن عهده لیگی یئرینه یئتیرمه‌سی‌نین واجیب‌لیگینی وورغولاییب.
انرژی و نقلیات سیستم‌لری‌نین دییشدیریلمه‌سی‌نین واجیب‌لیگینی وورغولایان آنتونیو گوترش برپا اولونان انرژی‌نین منیمسنیلمه‌سی‌نین اهمیتینی قئید ائدیب.
آنتونیو گوترش بیلدیریب کی، کربن انتشارینی آزالتماق اوچون اینکیشاف ائتمکده اولان اؤلکه‌لره مالیه و تکنیکی دستک وئریلمه‌لی‌دیر.
بیرلشمیش میللت‌لر تشکیلاتی‌نین باش کاتیبی همچنین وورغولاییب کی، 2023-جو ایل “دقتی یایین‌دیرماق دئییل، دونوشوم ایلی" اولما‌لی‌دیر.ایقلیم دییشیک‌لیگی دونیامیزی یاشانماز حالا گتیریر. ایندی طبیعته قارشی معنا‌سیز محاربه‌میزه سون قویمالیییق.
