اوکراینا ایله اولوسلار آراسی پول صاندیغی مالیه پاکتی اوچون راضیلاشیب

2022-جی ایل فوریه‌نین 24-دن روسیا ایله محاربه‌ده اولان اوکراینا اولوسلار آراسی پول صاندیغی ایله 15،6 میلیارد دو‌لارا یاخین مالیه پاکتی اوچون راضی‌لیق الده ائدیب.

اولوسلار آراسی پول صاندیغیندان وئریلن آچیقلامادا بیلدیریلیب کی، اولوسلار آراسی پول صاندیغینین میسیون هئیتی و اوکراینا صلاحیت‌لی‌لری تکنیکی سویه‌ده مالیه ثابت‌لیگینه و اقتصادیاتین برپاسینا دستک ده داخیل اولماقلا 48 آیلیق فوند آییرماق باره‌ده راضیلیغا گلیب‌لر.

آچیقلامادا قئید ائدیلیب کی، اوکراینا حاکمیتی‌نین طلبی ایله گاوین گری نین باشچی‌لیق ائتدیگی اولوسلار آراسی پول صاندیغی نوماینده هئیتی مارسین 8-15-ده لهستان-ین پایتاختی ورشو-دا اوکراینا رسمی‌لری ایله 4 ایللیک اقتصادی پروقراملا باغلی دانیشیق‌لار آپاریب.

مالیه لشدیرمه پاکتی‌نین تقریباً 15،6 میلیارد دو‌لار اولدوغو ایفاده ائدیلن آچیقلامادا همین اقتصادی پروقرامین اولوسلار آراسی پول صاندیغی ایجراچی دیرکتورلار شوراسی‌نین تصدیقینه تابع اولدوغو و شورانین گله‌جک هفته‌لرده بونو دیرلندیرمه‌سی‌نین گؤزلنیلدیگی قئید ائدیلیب.

امریکانین مالیه ناظیری جانت یلن اوکراینا ایله اولوسلار آراسی پول صاندیغی آراسیندا یئنی اقتصادی پروقراملا باغلی الده اولونان راضیلاشما ایله باغلی یازیلی آچیقلاما وئریب.

ادعا‌لی و دوزگون شرطلندیریلمیش اولوسلار آراسی پول صاندیغی پروقرامی‌نین اوکراینانین اصلاحات سعی‌لرینی دستکلمک، او جمله‌دن یاخشی ایدارچی‌لیگی گوجلن‌دیرمک، یولسوزلوق ریسک‌لرینی حل ائتمک و لازیمی مالیه دستکی  وئرمک اوچون کریتیک اهمیت داشیدیغینی وورغولایان یلن امریکا و طرفداش‌لاری طرفیندن وئریلن اقتصادی یاردیمی دا دستکله‌یه‌جگینی بیلدیریب.