استولتنبرگ سوئد و فینلاندیانین ناتو-یا عضولوک اوچون مراجعت‌لریندن دانیشیب
ناتو-نون باش کاتیبی ینس استولتنبرگ ناتو-نون منزیل قرارگاهیندا کئچیردیگی مطبوعات کنفرانسیندا ژورنالیست‌لرین سوال‌لارینا جاواب وئریب.
"سوئد و فینلاندیانین ناتو-یا عضولوک اوچون مراجعت‌لری هله‌لیک بوتون عضو‌لر طرفیندن تصدیقلنمه‌سه ده، حربی انتگراسیون سوره جی پروسئسی داوام ائدیر".
بونو ناتو-نون باش کاتیبی ینس استولتنبرگ ناتو-نون منزیل قرارگاهیندا کئچیردیگی مطبوعات کنفرانسیندا ژورنالیست‌لرین سوال‌لارینا جاوابن دئییب.
سوئد و فینلاندیانین ناتو-یا عضولوک پروسه لریندن دانیشان استولتنبرگ هر ایکی اؤلکه‌نین تورکیه-نین قانونی تهلوکه‌سیزلیک پروبلئم‌لرینی موذاکیره ائتدیگینی و ژوئن‌ین 28-ده مادرید ذیروه توپلانتی‌سیندا ایمضا‌لانان اوچ طرف‌لی سندین طلب‌لرینی یئرینه یئتیردیگینی بیلدیریب.
"تورکیه فینلاندیانین ناتو-یا عضو‌لوگونو تصدیقلمه‌یه حاضیردیر" دئین استولتنبرگ بو قراری آلقیشلادیغینی و می‌ین 14-ده تورکیه-ده کئچیریله‌جک سئچکی‌لردن اول تورکیه بؤیوک میللت مجلیسی‌نین باغلانما‌دان تصدیق پروسه‌سینی گؤزلدیگینی بیلدیریب.
استولتنبرگ قئید ائدیب کی، ماجاریستان پارلامئنتی ده می‌ین 27-ده فینلاندیانین عضولوک ایله باغلی سسوئرمه قرارینی آلقیشلاییب.
استولتنبرگ "ان اهمیت‌لی‌سی فینلاندیا و سوئد-ین عینی آندا عضو اولوب-اولماماسی دئییل، اونلارین ناتو-نون تام حقوقلو عضوو اولماسی‌دیر. سوئد ده یاخین زاماندا تام حقوقلو عضو اولانا قدر فعالیت‌لریمی داوام ائتدیره‌جه‌یم" دئییب.
سوئد-ین عضو اولاجاغینا ایناندیغینی بیلدیرن استولتنبرگ سوئد و فینلاندیانین ناتو توپلانتی‌لارینا دعوت‌لی اؤلکه کیمی قاتیلدیغینی و ناتو-نون سیویل و حربی آلت یاپی سینا داها چوخ انتگراسیون اولدوق‌لارینی بیل‌دیره‌رک دئییب کی، بو انتگراسیون سوره جی واخت طلب ائدیر. حربی انتگراسیون تورکیه و ماجاریستان هله تصدیقلمه‌سه ده، داوام ائدیر. چونکی دعوت اولونموش اؤلکه اولماق ناتو-نون حربی آلت یاپیسینا انتگراسیون ائتمک دئمک‌دیر".
