آمریکا: پ‌کاکایا هلیکوپتر پیلوتلوغو تعلیمی وئرمیریک
عراقین قوزئیینده پ‌کاکا تروریستلرینی داشییان بیر هلیکوپترین دوشمه‌سی اوزرینه گؤزلر آمریکا بیرلشمیش دؤولتلرینه چئوریلدی
آمریکا بیرلشمیش دؤولتلری ساوونما باخانلیغی سؤزچوسو ژنرال پاتریک ریدر، آمریکان گوجلرینین سوریه‌ده س‌دگ آدیندان ایستیفاده ائد‌ن ترور هؤرگوتو پ‌کاکا/ی‌پ‌گ‌یه هلیکوپتر تعلیمی وئریب وئرمه‌دیکلرینه باغلی سوالا "بیلدیگیم قدری ایله یوخ" جاوابینی وئردی.
عراقین قوزئیینده پ‌کاکا تروریستلرینی داشییان بیر هلیکوپترین دوشمه‌سی اوزرینه، هلیکوپترین هؤرگوتون الینه نئجه گئچدیگی ماراق قونوسو اولارکن، گؤزلر هؤرگوتون سوریه‌ده‌کی قولونا تعلیم و سلاح دستگی وئره‌ن آمریکا بیرلشمیش دؤولتلرینه چئوریلدی.
آنادولو آژانسینین پ‌کاکا‌لیلاری داشییان هلیکوپترین دوشدوگونو خاطیرلاداراق "سوریه‌ده س‌دگ‌یه هلیکوپتر پیلوتلوغو تعلیمی وئریرسینیز می؟" سوالینا ریدر، "بیلدیگیم قدری ایله یوخ" جاوابینی وئردی.
عراق کورد بؤلگه‌سل یؤنه‌تیمی، دهوکون چئمانکه ناحیه‌سینده دوشن هلیکوپتره باغلی آچیقلاما وئرمیشدی.
آچیقلامادا،
"بؤلگه‌ده‌کی قوروملار، دوشن هلیکوپتره باغلی عراق مرکزی حکومتی، اولوسلارآراسی کوالیسیون گوجلری و تورکیه ایله تماسا گئچدی آنجاق هلیکوپترین اونلارا عاید اولمادیغی بیلدیریلدی. گوونلیک گوجلری هلیکوپتره باغلی اؤن سوروشدورما باشلاتدی و ایلک بیلگیلر، هلیکوپترین یوروکوپتر آس۳۵۰ تیپی اولدوغو و اؤلنلردن بعضیلرینین پ‌کاکا‌لی تروریستلر اولدوغونو گؤستریر. هلیکوپترین کیمه عاید اولدوغونون تام اولاراق معین ائدیلمه‌سی اوچون آیرینتیلی سوروشدورما داوام ائدیر" دئییلمیشدی.
میللی ساوونما باخانلیغی، وئردیگی آچیقلامادا، "عراقین قوزئیینده تورک سلاحلی گوجلرینه عاید هلیکوپترین دوشدوگو" شکلینده بعضی سوسیال مئدیا حسابلاریندا یئر آلان ادعالارین گئرچک اولمادیغینی آچیقلامیشدی.
